"La paro de aktivuloj el centra Kubo, gepatroj de Esperanto-familio, vojaĝas tra Eŭropo laŭ invito de Flandra Esperanto-Ligo. Dum du periodoj de po kelkaj tagoj ili povas prelegi ankaŭ en Germanujo." Legu plue...
Esperanto aktivaĵoj en Krefeld
Subteno de la konstruo de la "Zamenhof-monumento" en la Esperanto-urbo
Krefelda E-societo subtenis la konstruon de la "Zamenhof-monumento" en Herzberg am Harz - la Esperanto-urbo
okaze de la 150-a naskiĝtago de la kreinto de Esperanto - D-ro Ludoviko Zamenhof (15.12.2009)
E la letero de la ICH-teamo:
"La 15-an de decembro 2009, en Herzberg am Harz estos inaŭgurata Zamenhof-monumento kun festo okaze de la 150a naskiĝtagdatreveno de d-ro Ludoviko Lazaro Zamenhof, la iniciatoro de Esperanto.
Ĝi estos la unua Zamenhof-monumento en Germanio. La starigon iniciatis kaj parte financis Esperanto-Gesellschaft Südharz kaj ĝi realiĝos dank al la helpo de bonvolemaj subtenantoj el Germanio kaj la internacia Esperanto-movado.
Pluaj kontribuajxoj estas bonvenaj!
Vi povas akiri belaspektan subtenBRIKETON ril. al Zamenhof-monumento.
Detalojn pri la preparlaboro vi povas vidi sur la hejmpaĝo http://esperanto-urbo.de Aktuale kaj ZEO-j
La urba administracio dankas kaj subtenas la starigon de Zamenhof-monumento en Herzberg - la Esperanto-urbo en la jubilea jaro de Zamenhof.
La memorfesto komenciĝos je la 13a horo (post gazetara konferenco) ĉe la monumento, de la 14-a horo ĝi okazos en la Kavalira Salono de la Welf-Kastelo, festprelegos Aleksander Korĵenkov el Kaliningrad.
Inter la 15-16 horoj ni inivtas niajn gastojn al ŝaŭmvina akcepto kun bufedo. Riĉa muzikprogramo atendos vin.
Vian alvenon bv. laŭeble antaŭanonci (ĉefe pro la sidlokoj kaj la bufedo en la kastela salono).
Detalan programon en la germana, pola kaj Esperanto-lingvoj vi trovas ĉe
http://esperanto-urbo.de/blog.php
Koran bonvenon!
Ni kalkulas je vi ĉeesto, reprezentiĝo.
Bv. informi nin pri via alveno laŭeble ĝis la 5a de decembro.
Kun multaj salutoj,
Peter Zilvar, Zsofia Korody kaj ICH-teamo"
Dum sia rondvojaĝo tra Germanio Norberto kaj Yoandra el Kubo gastis en Krefeld
Krefeldaj esperantistoj varbis por la projekto de UNEP "Plantu por nia planedo!"
"Kampanjo de la UNEP (naturmedia organizaĵo de la UNO) celas planti unu
miliardon da arboj ĝis la jaro 2015
por kontraŭbatali la kreskantan
danĝeran regionan senarbigon kaj la ligitan tutmondan malbonigon de la
klimato.
En la franca urbo Wintzenheim la esperantisto Michel Basso
komencis ekde 2007 kun sia asocio TAKE realigi ĉi-tiun intencon kiel
longdaŭran projekton de la Esperanto movado. Ĉi-tiu agado direktu al
internacia solidareco ĉefe inter infanoj, kaj tio per la laborlingvo Esperanto."
(http://take.esperanto.free.fr/plantu/indekso.htm)
En junio 2009 en Krefeld okzazis tritaga ekspozicio por infanoj dum kiu krefeldaj esperantistoj prezentis kiel efektivigas la projekto de INEP "Plantu por nia planedo!" en Bona Espero, Brazilio.
Jen kelkaj fotoj, kiuj montras la etoson dum la festo.
Ŝtonoj el Krefeld por la Esperanto-monumentoj en Herzberg
Ŝtonoj el Krefeld - kolektitaj ĉe la rivero Rejno - por du belaj monumentoj, kiujn la franca artisto Michel Basso
konstruos omaĝe al Esperanto kaj
donacos al Herzberg am Harz, la Esperanto-urbo, Germanio.
Por ke la monumentoj estu vere internaciaj, s-ro Basso petas esperantistojn el ĉiuj landoj sendi ŝtonetojn,
por montri simboligitan mondan solidarecon al Herzberg kaj Esperanto. Legu pluaj informoj...
La 2-an de aprilo 2009 okazis la lasta antaŭpaska lernvespero de la tre sukcesa Krefelda
Esperanto-kurso de komencantoj. Gratuljon!
la Krefelda grupo de Esperanto-komencantoj kun la docento, s-ro Lars Sözüer el Duisburg
La Krefelda Esperanto-societo renkontiĝas ĉiu-ĵaŭde je la 6-a vespere (krom ferioj en Nord-Rejnvestfalio).
Loko: domo de Bürgerintitiative Rund um St. Josef, Corneliusstraße 43 47798 Krefeld; Tel.: 02151 / 843 840
Kontakto: esperanto.krefeld@web.de
Aktivaĵoj de la Krefelda Esperanto-societo:
2008 - REVELO-tago en Krefeld-Hüls
2005 - aŭtuna E-aranĝo en Krefeld-St. Tönis temo: "Inspiro en colora vitro"
2004 - somera E-aranĝo en Krefeld-Oppum temo: "Nutraĵo kaj nutrado"
2002 - aŭtuna E-aranĝo en Krefeld-Linn temo: "De ligno al artobjektoj kaj muzikaj instrumentoj"
2002 - la 1-a-konferenco de INA temo: "Naturkuracado en diversaj landoj "
2001 - aŭtuna E-aranĝo en Krefeld-Hüls temo: "De argilo al ceramikaĵoj"
2000 - aŭtuna E-aranĝo en Krefeld-Linn temo: "aŭdi - vidi - palpi" ĉe la artisto Armin Küpper"
1999 - aŭtuna E-aranĝo en Krefeld, E-domo temo: "La nekonata najbaro"
1999 - somera E-aranĝo en Krefeld-Inrath temo: "Nijmegen-E-klubo gaste en abela ĝardeno" 
1998 - aŭtuna E-aranĝo en Krefeld, E-domo temo: "10-jara jubileo de la Krefelda E-societo"
1996 - REVELO-tago en Krefeld-Kempen temoj: 1) koncerto de Asorti;
2) prelego de Nina Korĵenevskaja pri rusa pentroarto"
1988 - fondiĝo la nuna Esperanto societo en la domo de Bürgerintitiative Rund um St. Josef
Arkiva foto el la jaro 1947
Malnova foto el la jaro 1947 atestas pri REVELO, kiu okazis en la postmilita Krefeld. La partopreninto de tiu kongreso,
s-ro Hans-Werner Knötzsch (†) el la urbo Hagen, donacis ĝin al ni. "En tiu tago estis belega vetero, la birdoj ĉipris
kaj
la feliĉo pri la ebleco denove partopreni Esperanto-renkontiĝon post tiom da teruraj jaroj, plenigis nin ĉiujn …" - rememoris li.
Bonvenon en nia bela urbo!
La mezepoko fascinas ĉiun generacion per sia ravo. Same impresoplena estas la paŝo tra la korta pordego de la mezepoka kastelo Burg Linn. Vizito al ĝi estas la kulmino de ĉiu ekskurso tra tiu urboparto de Krefeld.
En la kastelo oni sentas la spiriton de tiama vivo: malvarmon kaj premon de ŝtonaj muroj kaj danĝerojn minacantajn de malantaŭ ili. Oni pasas luksajn kavalirajn salonojn, vidas krudajn kaj 
valorajn antikvajn meblojn, bildojn kaj ilarojn, multekostajn flandrajn muro-tapiŝojn, trabo-kovraĵojn, kaminojn, teksomaŝinojn.
Tra spirala ŝtuparo oni atingas la panoraman observo-platformon
de la defenda turo, en kies mezo troviĝas ankaŭ profunda kavo
por la tiamaj malsato-torturoj.
En la supro malfermiĝas vido al
la kastelaj konstruaĵoj, al la urbeto Linn kun ĝiaj akvokavoj, plue al Krefeld kaj najbaraj urboj Düsseldorf kaj Duisburg.
La kavaliro Otto von Linn, kiu fondis la kastelon en la 11-a jarcento, supozeble partoprenis ankaŭ krucan militiron. Kelkaj detaloj en la ornamo kaj konstruo atestas pri tio.
Dum jarcentoj la kastelo estis areno por kavalira gloro kaj spegulo de mizeraj militaj tempoj.
Hodiaŭ ĝi servas por la celoj de muzeaj, kulturaj kaj distraj aranĝoj.
