Bonvenon en la retpaĝo de Nordrejn-Vestfalio!

Karaj membroj, estimataj gastoj,

Esperanto-amikoj en la Germana federacia lando Nordrejn-Vestfalio (NRV, germane NRW) salutas vin per siaj paĝoj. Informiĝu pri nia lando kaj niaj aktivecoj.

Petra Dückershoff, la prezidantino de REVELO (REjn-VEstfalia-LigO)

Esperanto-eventoj en nia regiono:

19-a de junio 2010 - REVELO-Tago kaj samtempe REVEL-id-o Tago
en Sundern-Stockum

Ni komence kunvenos ĉe la loka kulturcentro „Schepes Huaf“, Stockumer Straße, Sundern-Dörnholthausen. Stockum estas atingebla per buso R21 de Arnsberg Bf.
La haltejo nomiĝas "Esperantostraße"!

Piediro ĝis Schepes Huaf daŭros proksimume 15 minutojn, sed ankaŭ estos transporto per aŭto je 10:45 al la kulturcentro.

Skiza programo:
- 11:00 malfermo de Esperanto-ekspozicio en la kulturcentro "Schepes Huaf"
- poste promeno tra Stockum kaj vizito de diversaj Esperanto-objektoj
- poste tagmeza paŭzo
- 14:00 membrokunveno de REVELO en la Landgasthof Kleiner,
  Stockumer Str.
- poste kafo kaj kuko (pagenda) en la gastejo.
Por faciligi la organizon (i.a. ni devos scii, por kiom da partoprenantoj mendi kukon), mi petas vin, sendi aliĝilon ĝis 1-a de junio 2010!

Venu kaj pasigu agrablan tagon kun ni!

Apartan vojpriskribon kaj detalan programon vi ricevos post la aliĝo.

Bv. skribi e-mesaĝon al petra.dueckershoff@esperanto.de
aŭ perletere al Petra Dückershoff, Auf der Panne 74 a, 44805 Bochum

Aliĝilo (PDF) - en Esperanto

Aliĝilo (PDF) - en la germana lingvo