Neues von unserer Facebook-Seite

Eble vi miris jam, kial…

Sa, 2016-03-12 19:36

Eble vi miris jam, kial vi dum sufiĉe longa periodo ne legis ion novan ĉi tie rilate al GEA. La kialo estas, ĉar ni ankoraŭ multe laboras en la malantaŭo kaj aŭ tio aŭ la rezultoj ne ĉiam tuj videblas: Post tutnokta laboro kune kun Christoph (nia kasisto) mi nun ĝojas, ke ni sukcese ekfunkciigis en nia membrumadsistemo la eblecon, aŭtomate (per butonpremo) krei la donackvitancojn. Tio estis en la pasinteco sufiĉe teda kaj temporaba afero, kio nun tre elegante funkcias. Ni ankaŭ povas ĉiam facile vidi, kiujn mondonacojn ni jam kvitancis. Tio estas grava pro leĝaj kondiĉoj. Ni pardonpetas, se vi ĉi-jare devis iom atendi la deziratan kvitancon, sed venontjare ni povas vere rikolti la fruktojn de nia laboro. Nia celo estas, ke ĉiu membro kune kun la membrokarto kaj la jarkomenca informletero (kiujn mi ĉi jare ŝatus pretigi ĝis pasko) ricevas aŭtomate ankaŭ donackvitancon - sen eksplicite peti ĝin. Ni jam provos enmeti ĝin en la ĉi-jara - ankoraŭ sendenda - letero, sed ankoraŭ estas sufiĉe da interna laboro farenda antaŭe. Tamen mi ĝojas, ke ni paŝo post paŝo antaŭeniras. Aliaj aferoj, pri kiu mi ŝatas mallonge (antaŭ)informi vin: - Mi ankaŭ tre ĝojas, ke nun haveblas ĉiam aŭtomate aktualigita listo de aliĝintoj por la GEK2016 en Munkeno. Vi trovos ĝin ĉe http://www.kongreso.de - Dum la lasta semajnfino estis estrara kunsido en Blieskastel. Inter alie ni diskutis nian financan situacion kaj ankaŭ la situacion pri la membroevoluo. Rilate al la financoj mi esperas, ke ni povos jam doni superrigardon al vi en la venonta Esperanto aktuell. Rilate al la membroevoluo mi volas jam malkaŝi, ke ni havas bonan rezulton: Dum la lastaj du jaroj la nombro de la novaj ordinaraj membroj de GEA (eĉ sen GEJ) kreskis de 9 en 2013 kaj 13 en 2014 al 32 en 2015 (kune kun novaj ordinaraj GEJ-membroj estas 46). Tio estas pli ol la perdoj en 2015 pro morto aŭ malmembriĝo. Se la kalkuloj estas ĝustaj, estas pozitiva rezulto je 7 por GEA en 2015. Kaj por 2016 ni havas ĝis nun ankaŭ jam 7 novaj membroj. Tiuj nombroj tre ĝojigas min, kompreneble, ĉar pli ol 30 novaj membroj en unu jaro ni lastfoje ŝajne havis en 1991 kun 34 novaj membroj. Tamen mi volas atentigi vin, ke ni ankoraŭ plurfoje kontrolos niajn datenojn por esti vere certa pri tiu evoluo. Dum la Germana Esperanto-Kongreso en Munkeno vi ekscios pli da detaloj! :-) Ĉiukaze mi volas danki vin pro via subteno de nia laboro kaj via pacienco precipe en tiu ĉi malfacila tempo, kiam ankoraŭ ne ĉio glate funkcias kaj kiam estas ankoraŭ multaj farendaĵoj. La sekva tre granda kaj grava paŝo estas la enhava kaj struktura renovigado de nia retejo, kiu baziĝas ankoraŭ multe sur niaj malnovaj enhavoj (kvankam teĥnike ni jam multon renovigis). La novan kaj pli facilan strukturon ni (Julia Noe, Julia Berndt kaj mi) jam dum semajnfina laborrenkontiĝo en novembro kaj februaro preparis - la rezultoj devas nun esti teĥnike realigataj kaj testataj. Kiel enkonduke jam dirite mi vere bedaŭras, ke vi ne tuj vidas la rezultojn de nia laboro kaj esperas, ke vi nun havas almenaŭ iun imagon, ke fakte multe okazas rilate al la modernigado kaj renovigado de GEA kaj de nia laboro.... :-) Mi kore deziras belan dimanĉon al vi (dum mem mi estas survoje al la Esperanto-urbo Herzberg por morgaŭ partopreni kuratoriuman kunsidon de la fondaĵo Esperanto-urbo Herzberg am Harz) kaj esperas vidi vin dum la Kongreso en Munkeno kun jam pli ol 165 aliĝintoj! Zebastjan' (Prezidanto GEA)

Suchformular

Sie sind hier

Seiten