NEMO | Novula Esperanta Mezaĝula Okazaĵo

NEMO estas renkontiĝo por interkonatiĝo de novaj Esperanto-parolantoj de la meza generacio.

Saluton al ĉiuj, kiuj ĵus malkovris Esperanton por si, sed ankoraŭ ne scias, kion fari per la lingvo!

Tiu ĉi Esperanto-renkontiĝo nomata NEMO estas ĝuste farita por vi! Nia celgrupo estas speciale la meza generacio, sed ni bonvenigas interesitojn de ĉiu aĝgrupo. (Kaze ke vi aĝas sub 27, eble ankaŭ la evento KEKSO de la Germana Esperanto-Junularo interesas vin.)

NEMO okazos la duan fojon ĉirkaŭ pasko dum PSI en

Hellenthal

17-a – 21-a de aprilo 2025

Informoj: nemoesperanto.de

La programo de la renkontiĝo estos adaptata al ĉiuj partoprenantoj per surloka eltrovado de la komunaj interesoj kaj kreado de la programo. Ankaŭ ni instigos ĉiutagajn babiladojn en Esperanto.

Ĉi-foje NEMO okazos kun infanoj. Ĉiuj informoj en Esperanto troveblas en la paĝo de PSI: psi.esperanto.de