La daŭranta kurso "Esperanto en dialogo" en la reto - ĉiun mardo de 18:30 h ĝis 19:30 h - estas progresinta ĝis la fino de leciono 6 kaj estos daŭrigata.

Por partopreno en nova virtuala kurso por komencantoj surbaze de la ĵus aperinta lernolibro "Esperanto im Gespräch“ ankoraŭ estas serĉataj interesuloj.

Rimedo por la reta kurso estos Zoom-videobabilejo. Interesuloj ricevos la alirajn informojn post aliĝo ĉe muensteresperanto.de (subject: Informationsanfrage) (muenster(at)esperanto.de) (Rudolf Fischer).

La libro "Esperanto im Gespräch“ estas konceptita por lernorondoj kiel la komencanta kurso, sed ankaŭ taŭgas por meminstruado. Oni lernas ĉ. 1 500 vortojn, inter ili la 500 plej oftajn, en 5 lecionoj, aldone la kompletan gramatikon. Ekzercoj kun solvoj, vortlistoj GE-EO kaj EO-GE, kontaktadresoj.
ISBN 978-3-96023-646-7 / 210 p. / 19,80 € / aŭtoro: Rudolf-Josef Fischer.

Ĝi haveblas en ĉiu librovendejo aŭ ĉe la libroekspedejo de Germana Esperanto-Asocio www.esperanto-buecher.de

Por kursanoj el la regiono Münster la libro ankaŭ estas disponebla en la libropruntejo de la Esperanto-Societo Münster.