listo de aliĝintoj – jam 83 aliĝoj!

La 40a PSI

25-a de marto 2024 ĝis 1-a de aprilo 2024
Bayreuth

Bayreuth
Bildo © Bayreuth Marketing & Tourismus GmbH

La Printempa Semajno Internacia estas granda internacia renkontiĝo por la tuta familio. Ĝi okazas ĉiujare dum unu semajno ĉirkaŭ pasko ie en Germanio. Por la 40a PSI ni atendas ĉirkaŭ 100 partoprenantojn el diversaj landoj, kiuj konsistas precipe el familioj kun infanoj kaj junuloj.

PSI estas precipe familia seminario. La programo celas kontentigi samrajte plenkreskulojn, junulojn kaj infanojn. Sed tio ne ekskluzivas unuopulojn, ĉiu estas bonvena.

Mittenbild 2

Familioj

Okazas apartaj programeroj por infanoj laŭ aĝo kaj lingvokono. Kaj komencantoj kaj fluaj parolantoj havos sian programon. Gepatroj do havas bonan okazon trankvile partopreni siajn programerojn sen infanoj - aŭ kun la infanoj, se ili preferas.

junuloj_IMG_0125

Junuloj

Ni ankaŭ ofertas specialajn ofertojn por junuloj inter 10 kaj 16 jaroj, kiuj almenaŭ iomete parolas la internacian lingvon. Ili povas loĝi en komunaj ĉambroj kaj lernas, ludas kaj festas kune.

komencantoj_IMG_0038

Komencantoj

Se vi aŭ via partnero aŭ ambaŭ estas komencanto(j) aŭ neparolanto(j), ne timu. Vi estas bonvenaj! Ni aranĝas kursojn por komencantoj kaj progresintoj. Sed ankaŭ aliaj programeroj konsideras la komencantojn.

Loko

JH_Bayreuth_aussen
firstboarding

Gastejo

Noviga, integra, internacia - tri atributoj, kiuj donas al la nova konstruaĵkomplekso de la junulargastejo en Bayreuth novan stilon, kiu estas unika en Bavario. En 45 ĉambroj kun spaco por 180 gastoj kaj modernaj, invitaj publikaj zonoj, la Bavara Ŝtata Asocio difinas novan kvaliton de restado. La seminariejoj estas moderne ekipitaj. En la integriga junulargastejo gastoj kun fizikaj limigoj trovos idealajn kondiĉojn.

La plej multaj partoj de la konstruaĵo estas afablaj por handikapuloj.

La junulargastejo estas ĉ. 2,5 km for de la ĉefstacidomo Bayreuth. De la stacidomo de Bayreuth, prenu la buslinion 305 al ZOH (centra bushaltejo), ŝanĝu al la linio 306 aŭ 310 direkte al Uni kaj eliru ĉe la haltejo Kreuzsteinbad aŭ Mensa.

Se vi veturas aŭte, la junulargastejo estas facile trovebla per navigilo.

Jugendherberge Bayreuth
Jugendherberge Bayreuth
Universitätsstraße 28
95447 Bayreuth
bayreuth.jugendherberge.de/

Kiel novaĵo la PSI-teamo por 2024 rezervis ĉambro-kontingenton da 1- kaj 2-litaj ĉambroj en dua loĝejo, Apart-Hotel Firstboarding. Ĝi estas piede nur ĉ. 500 m for de la junulargastejo (vidu la vojon). La hotelo mem priskribas sin tiel: "Elegantaj mebloj, modernaj banĉambroj kaj bone ekipitaj kuirejoj garantias komfortan vivon. Grandaj fenestroj donas lumon kaj freŝecon. La apartamentoj estas senbaraj kaj facile alireblaj per lifto.".

Kaj se iam la nombro de ĉambroj en la junulargastejo ne sufiĉus denove kiel ekz. en 2023 … tiam tiuj, kiuj aliĝis por 1-litaj ĉambroj kaj ne estas handikapuloj, ricevos samkostajn ĉambrojn en Apart-Hotel FirstBoarding …

kaj poste eventuale ankaŭ la aliĝintoj por 2-litaj ĉambroj …

Apart-Hotel FirstBoarding Bayreuth
Nürnberger Straße 32
95448 Bayreuth
tel. +49 921 210 76 900
www.firstboarding.de/

Bayreuth_Schlossterrassen Bildo © Netz Aktiv AG für dezentrale Informationssysteme, Schlossberglein 2, 95444 Bayreuth

Bayreuth

La urbo Bayreuth situas en la distrikto Supra Frankonio (Oberfranken) de la germana federacia lando Bavario kaj estas la administra centro de la distriktaro. Ĝi estas eksterdistrikta urbo (mem posedas distriktajn rajtojn) kaj krome estas ĉefurbo de la ĉirkaŭa distrikto Bamberg. Bayreuth situas proksime de la mezalta montaro Fichtelgebirge. Fine de decembro 2019 la komunumo havis 74.783 loĝantojn. Ĝia plej konata civitano estis la komponisto Richard Wagner, pri kiu memorigas pluraj konstruaĵoj en la urbo kaj ĉiujara granda opera festivalo de Bayreuth.

Taga programo

La taga (ĉefe antaŭtagmeza) programo de la Printempa Semajno Internacia ekas post la matenmanĝo kaj ofertas du sesiojn de diversaj programeroj. Niaj partoprenantoj prezentas aferojn de la propra hobio ĝis gravaj politikaj diskutoj (viaj prelegproponoj estas bonvenaj). Oni trovas buntan miksaĵon de prelegoj, diskutrondoj, diverstemaj kursoj (sporto, danco, kantado...), arta manlaboro kaj lingvaj kursetoj.

Por komencantoj kaj progresemuloj ni - memkompreneble - ofertas Esperanto-kursojn. Unu por kompletaj komencantoj, alia kun lingvoekzercoj kaj plibonigoj, plie eble ankaŭ konversacia rondo.

La kultura oferto en la urbo Bayreuth estas bonega - malstreĉiĝu kaj promenu en kaj ĉirkaŭ Bayreuth. Ne malproksime de nia gastejo vi povas trovi multajn romantikajn lokojn. Nia junulargastejo estas la ideala elirpunkto por ekskursoj, ekz. al la granda parko Hofgarten kun granda ludejo (1,2 km), al la bestoĝardeno (1,5 km), al la ekologia botanika ĝardeno (1 km), al la historia malnova urbocentro (2 km) kaj al la Opera Festivaldomo (4,5 km).

DSC03558_bearbeitet-2

Lingvo-kursoj

Por komencantoj kaj progresemuloj ni - memkompreneble - ofertas diversnivelajn Esperanto-kursojn. Unu por kompletaj komencantoj, alia kun lingvoekzercoj kaj plibonigoj, plie eble ankaŭ konversacia rondo. Ofte ankaŭ okazas lingvo-kursetoj aŭ prelegoj pri aliaj lingvoj.

IMG_0018

Prelegoj

Niaj partoprenantoj prezentas aferojn de la propra hobio ĝis gravaj politikaj diskutoj (viaj prelegproponoj estas bonvenaj). Kutime ni povas oferti buntan miksaĵon de prelegtemoj, diskutrondoj, diverstemaj kursetoj.

IMG_0012

Praktikaj ofertoj

Ĉiam ni ofertas diversajn artajn manlaborkursojn kaj diversajn sportkursojn (Qi-Gong, Zumba, dancoj) .

Infana programo

Ni ofertas dum la tuta semajno diversspecan programon por la infanoj. Ni komune lernas, manverketas kaj ludas interne kaj ekstere – kaj kompreneble denove okazas granda paska ovoserĉado!

IMG_0023

Mazi

Mazi estas taŭga ĉiutaga kurso por junaj lernantoj, ni lernas Esperanton spektante la lecionojn de la Mazi-filmo (i. a.).

IMG_0032

Manlaboro

Paskaj kaj printempaj manlaboroj por infanoj kaj plenkreskuloj. Ni kolorigas, ornamas, plektas belajn kaj utilajn objektojn el diversaj materialoj.

IMG_0056_2

Piĵamaj rakontoj

Ĉiuvespere la infanoj povas atendi travivendan rakontadon de fabeloj, la «piĵamajn rakontojn» kun la grandioza Nicky! Ŝi amuze, malenuige kaj humure voĉlegas malnovajn kaj novajn fabelojn el la tuta mondo.

Ekskursoj 1 ...

Dum PSI la posttagmezo estas uzata por ekskursoj, sed ofte la partoprenantoj uzas ĝin por malstreĉigi, kafumi kaj babili kun amikoj.

Per la ekskursoj oni povas konatiĝi kun la ĉirkaŭaĵo - urboj, muzeoj, artaĵoj, mirindaĵoj de la naturo, kasteloj, kavernoj, banejoj ktp. Ofte pliaj ebloj estas ofertataj, ekzemple migradoj, ekskursoj per publikaj trafikiloj kaj ekskursoj per aŭtomobiloj. Multaj ekskursceloj bone taŭgas por infanoj.

Ekskursoj.pdf

urbogvidado

Mardo, 26-a de marto 2024:

- Urbogvidado Bayreuth kun Wilhelmine:

15 € / 10 €

- Bestoĝardeno Röhrensee: senpaga

opera Bildo © wikimedia

Merkredo, 27-a de marto 2024:

- Gvidado tra la Markgräfliches Opernhaus (opera domo): 11 € / 3 €

- Botanika ekologia ĝardeno: senpaga

garten Bildo © https://www.bayreuth-wilhelmine.de/deutsch/hofg_ns/gesch.htm

Ĵaŭdo, 28-a de marto 2024:

- Hofgarten kaj Nova Kastelo:

5,50 € / 4,50 € (nur por nova kastelo)

- Gvidado tra mondo de la piano (Klavierwelt Steingräber): 6 €

... Ekskursoj 2

muzeo Bildo © https://urwelt-museum.snsb.de/

Vendredo, 29-a de marto 2024:

Urweltmuzeo / Pramonda muzeo: 1 €

Wilhelminenaue (iama Landa ĝardena Ekspozicio): senpaga

festspielhaus Bildo © https://www.bayreuth-tourismus.de/sehenswertes/richard-wagner/festspielhaus/

Sabato, 30-a de marto 2024:

Festspielhaus (Opera domo) kaj Siegesturm(turo) : 13 € / 8€

freimaurer Bildo © https://www.freimaurermuseum.de/

Dimanĉo, 31-a de marto 2024:

Gvidado preter framasonaj vidindaĵoj al Freimaurermuzeo : 15 € / 10 €

Parko Eremitage : senpaga

Vespera programo

Post la vespermanĝo ofte okazas malgrandaj programeroj kiel dancado kaj prelegetoj.

Ek de 20:00 oni povas partopreni diverstipajn koncertojn, teatraĵojn, ludvesperojn, adiaŭan vesperon.

Tiuj, kiuj ne ŝatas partopreni en la grupeventoj, renkontiĝas aliajn en la trinkejo aŭ mem organizas ludrondojn tie.

Kotizoj

ĉambro plurlita dulita unulita
0 - 2j 0 € 0 €
3 - 5j 210 € 280 €
6 - 12j 260 € 390 €
13 - 26j 330 € 520 € 820 €
pli ol 26j 440 € 620 € 820 €
partopreno sen manĝo/ĉambro: 132 €
(por la tuta semajno)

krompagoj por malfruaj aliĝoj/antaŭpagoj:
ekde 1-a de januaro 2024: 15 € por ĉiu persono
ekde 15-a de januaro 2024: 20 € por ĉiu persono
ekde 15-a de februaro 2024: 25 € por ĉiu persono

rabato por fruegaj birdoj:
aliĝo jam dum la antaŭa PSI: 5 € por ĉiu plenkreskulo kaj tranokto

partatempa partopreno:
Ni kalkulas la plentempan kotizon dividita per 6 oble la tranoktoj

ne-membroj de GEA/GEJ:
Loĝantoj de Germanio, kiuj ne estas membroj de GEA/GEJ, pagas 25 € pli.

rabato por eksterlandanoj:
plenkreskuloj, kiuj ne loĝas en germanio, pagas 20 € malpli por plentempa partopreno.

En Bayreuth ni ofertas nur luksajn ĉambrojn (kun duŝo kaj necesejo). La kotizo inkluzivas loĝadon, 3 manĝojn tage kaj pro­gra­mon. Ekskursoj estas surloke aparte pagendaj. Materialon por man­laboroj oni pagas laŭ uzita kvanto surloke.

Post la aliĝo kaj la aŭtomata retpoŝta konfirmo vi ricevos fakturon. Por daŭra rezervado de la ĉambro(j)/lito(j) deklaritaj en la fakturo, vi devas antaŭpagi minimume 50 % de la tutaj kostoj dum la tempo menciita en la fakturo. La resto de la kotizoj devas esti pagita plej malfrue ĝis 10-a de marto 2024 (eniro de la antaŭpago sur la konto de UEA/GEA) aŭ - se ne eblas alimaniere - kontante je la komenco de PSI.

Novaĵo: La PSI-teamo en la pasinteco ĉiam fordonis la ĉambrojn/litojn laŭ la ordo de la aliĝoj. La ĉambroj en la junulargastejoj ofte havas minimume 4 litojn. Pro tio la deziro por unu 1- aŭ 2-lita ĉambroj ofte kondukis al tro neuzataj litoj. Kaj iam ni devis diri al partoprenantoj, ke ni ne plu povis gastigi ilin en la PSI-ejo, kvankam multaj litoj estis ankoraŭ neuzataj. Por 2024 ni rezervas kontingenton de 1- kaj 2-litaj ĉambroj en hotelo/pensiono proksime de la PSI-ejo (ĉ. 500m piede). Se ni havos pli da aliĝoj por plurlitaj ĉambroj, ni ne plu garantios, ke unue 1-litaj kaj poste ankaŭ 2-litaj ĉambroj situos en la PSI-ejo (ekcepto: handikapuloj). Malgraŭ tio la partoprenantoj povis manĝi en la junulargastejo kaj pagos la samajn kotizojn.

Malaliĝo ĝis la 31-a de januaro 2024: la tutaj jam pagitaj kostoj minus 10 € estos repagataj. Post tiu dato ni nur povas repagi la tutajn jam pagitajn kostojn minus 20 €, se ni aŭ la domo sukcesos okupi via(j)n ĉambro(j)n/lito(j)n per aliaj gastoj, alikaze ni povas repagi nur la jam pagitajn kostojn minus la antaŭpagon de 50 % de la tutaj kostoj. En la kazo de malsano kaj simile ni kutime repagos la plenajn jam pagitajn kostojn.


Por partoprenantoj el nepagipovaj landoj eblas subvencioj laŭ niaj financaj ebloj kaj eventuala programkontribuo. Bonvolu priskribi vian eblan kontribuon al la programo. Oficialajn invitleterojn Germana Esperanto-Asocio (GEA) sendos nur post interkonsento.

bankkonto de GEA:
Deutscher Esperanto-Bund
IBAN: DE 84 5085 1952 0040 1146 05
BIC-Kodo: HELADEF1ERB
Sparkasse Odenwaldkreis
PayPal:
Se vi volas pagi per PayPal, bonvolu kontakti nin.
nepre ĝiru kun titolo: «PSI 2024» + [Antaŭpago/Kotizo] + VIA NOMO
Bonvolu ne plu ĝiri al UEA

Aliĝi

Nova Persono

Persone
Loĝado
Manĝo kaj Permesoj

Ĝeneralaj Informoj

Antaŭpago

Post via aliĝo, plej malfrue kelkajn semajnojn poste ni sendos al vi fakturon kaj anoncos la sumon, kiun vi devas antaŭpagi (50 % de la tutaj kostoj). Via aliĝo estas konfirmita kiam vi pagis tiun sumon kaj ĝi alvenis sur la konto de GEA.

Pliajn informojn pri la antaŭpago vi povas legi supre ĉe kostoj.

Rimarkoj / Komentoj
Pagdevige aliĝi

Post kiam vi klakas «aliĝi» vi tuj ricevas konfirman mesaĝon kun pliaj informoj. Via aliĝo estas sukcesa nur se vi ricevis tiun mesaĝon.

Ne hezitu kontakti nin, se vi havas demandojn.