La 30a PSI

en Xanten, 14a ĝis 21a de aprilo 2014

Xanten
Kiu jam aliĝis?

La Printempa Semajno Internacia estas granda internacia renkontiĝo por la tuta familio. Ĝi okazas ĉiujare dum unu semajno ĉirkaŭ pasko ie en Germanio. Por la 30-a PSI ni atendas pli ol 120 partoprenantojn el pli ol 12 landoj, el kiuj minimume triono estos infanoj aŭ junuloj.

PSI estas precipe familia seminario. La programo celas kontentigi samrajte plenkreskulojn, junulojn kaj infanojn. Sed tio ne ekskluzivas unuopulojn, ĉiu estas bonvena.

Familioj

Okazas apartaj programeroj por infanoj laŭ aĝo kaj lingvokono. Kaj komencantoj kaj flue parolantoj havos sian programon. Gepatroj do havas bonan okazon trankvile partopreni siajn programerojn sen infanoj - aŭ kun la infanoj, se ili preferas.

Junuloj

Samtempe kaj samloke kun PSI okazas Printempa Lernejo Internacia. Ĝi estas speciala aranĝo por gejunuloj inter 10 kaj 16 jaroj, kiuj almenaŭ iomete parolas la internacian lingvon. Por ili okazas apartaj kursoj pri kaj en Esperanto. Ili loĝas en komunaj ĉambroj kaj lernas, ludas kaj festas kune.

Komencantoj

Se vi aŭ via partnero aŭ ambaŭ estas komencanto(j) aŭ eĉ neesperantisto(j), ne timu. Vi estas bonvenaj! Ni aranĝas kursojn por komencantoj kaj progresintoj. Sed ankaŭ aliaj programeroj konsideras la komencantojn.

Xanten

Por festi la 30-an PSI ni renkontiĝos en la junulargastejo en Xanten. La Printempa Semajno Internacia gastos la unuan fojon en tiu urbo. Xanten estas urbo en okcidenta Germanio, proksime al la germannederlanda landlimo kaj ĉe la malsupra fluo de la rivero Rhein.

Sian pli ol 2000-jaran urbohistorion ĝi komencis kiel romia „Colonia Ulpia Traiana“. Restaĵojn kaj rekonstruaĵojn el tiu tempo prezentas la Arkeologia Parko, kiu estas granda, subĉiela muzeo. Aliaj vidindaĵoj estas la gotika katedralo Sankta Viktor kaj la Krimhild muelejo ĉe la mezepoka urbomuro.

La ĉirkaŭaĵo estas tre alloga kaj por akvosportemuloj kaj por biciklantoj.

Gastejo

La junulargastejo, en kiu jam plurfoje okazis Esperanto-aranĝoj, situas proksime al la lago «Xantener Südsee». Ĝi estas moderna konstruaĵo kun komfortaj ĉambroj kaj helaj salonoj.

Xanten havas propran stacidomon. Vi atingas ĝin per la NordWestBahn (NWB) el Duisburg. Poste veturu per la buslinio SL42 ĝis la stacio Jugendherberge.

La plej proksima flughaveno estas Weeze.

Jugendherberge Xanten Südsee
Bankscher Weg 4
46509 Xanten
www.xanten.jugendherberge.de

Taga Programo

prizorgas Marika Frense

La taga programo ĉiutage ekas post la matenmanĝo kaj ofertas du sesiojn da diversaj prelegoj. Niaj partoprenantoj prezentas aferojn de la propra hobio ĝis gravaj politikaj diskutoj. Kiam ni havas pli da detalojn vi trovos ilin ĉi tie.

Por komencantoj kaj progresemuloj ni ofertas esperanto kursojn. Unu por kompletaj komencantoj, alia kun lingvoekzercoj kaj plibonigoj, plie eble ankaŭ konversacia rondo.

Infana Programo

prizorgas Ralf & Zoja Haumer

Ni ofertas dum la tuta semajno diversspecan programon por la infanoj. Ni komune lernos, manverketos kaj ludos interne kaj ekstere.

...kaj kompreneble denove okazas granda paska ovoserĉado!

Mazi

Mazi estas taŭga ĉiutaga kurso por junaj lernantoj, ni spektante la lecionojn de la Mazi-filmo kaj lude lernas Esperanton.

Manlaboro

Paskaj kaj printempaj manlaboroj por infanoj kaj plenkreskuloj.

Ni kolorigas, ornamas, plektas belajn kaj utilajn objektojn el diversaj materialoj.

Piĵamaj rakontoj

Ĉiuvespere la infanoj povas atendi travivendan rakontadon de fabeloj, la «piĵamajn rakontojn» kun la grandioza Nicky!

Ŝi amuze, malenuige kaj humore voĉlegos malnovajn kaj novajn fabelojn el la tuta mondo.

Junulara Programo

prizorgas Martin Sawitzki

Por niaj junularaj partoprenantoj inter 14 - 20 jarojn ni havas apartan programon kun i.a. kaosludo, tuniroj kaj granda 3D kineo. Plenkreskuloj bonvenas.

Kaosludo

Tradicia kaosa ludo kie ni serĉas indikojn en la tuta domo. Kunporto komfortajn ŝuojn.

Tuniro

Ni eltrovas kiu estas la plej vigla tablotenisludanto. Kunportu rakedon kaj estu sportema.

3D Kinejo

Spektu freŝe subtekstigitajn filmojn en la profesia PSI-kinejo. Kun 2 ĝis 4 dimensioj.

Ekskursoj

prizorgas Heike Buhr

Ni ĉiam dum PSI vizitas la ĉirkaŭaĵon. En Xanten tio inkluzivas la urbon mem kaj la arkeologian parkon. La ekskursoj kutime okazas posttagmeze kaj aldone estas unu tuttaga ekskurso. Aliĝu frue por certigi vian lokon!

Arkeologia Parko

Bildo (cc) Magnus Manske

Sur la tereno de la romia urbo Colonia Ulpia Traiana situas nun la arkeologia subĉiela muzeo, kiu invitas per siaj rekonstruaĵoj ekkoni la arkitekturon, kulturon kaj vivon dum la romia epoko de ĉi-tiu regiono.

Bicikla Ekskurso

Bildo © Xanten.de

Proksime de Xanten ekzistas densa reto de biciklovojoj, kiu etendiĝas ĝis Nederlando.

Ni povos fari agrablan ekskurson tra la regiono kaj laŭlonge la rivero Rejno.

Historia urbopromeno

Bildo © Xanten.de

Por tiu ekskurso vi surmetos lignajn ŝuojn (Klompen).

Kostumita gvidanto en historie originaj vestaĵoj rakontos al vi interesajn kaj amuzajn sciindaĵojn pri Xanten kaj siaj enloĝantoj.

Vespera Programo

prizorgas Petra Dückershoff

Post la prelegoj kaj ekskursoj de la tago estas tempo por ripozi. Vespere ni faras tion spektante artistojn, kaj ludojn sursceneje.

Planita estas denove rekreado de konata televida ludelsendo. Du artistaj grupoj, la granda balo kaj pli.

Koncerto de Kajto

La frisa duopo Ankie kaj Nanne jam de multaj jaroj koncertas dum Esperanto-aranĝoj. Ili ne nur prezentas ilian muzikon, sed kantigas kaj dancigas la publikon.

La kokino Henjo

Dum la paska tempo la kokino Henjo devas produkti multegajn ovojn. Sed produkti ovon post ovo estas terure enuiga...

Subite ŝi ekhavas bonegan ideon: Henjo skribas leteron al la mekanisto.

Knajpo prizorgas Helmut Klünder

Post la vespera programo venu al nia trinkejo por babili kaj ludi en internacia rondo kaj agrabla etoso.

Kostoj

prizorgas Andreas Diemel

luksa ĉambro
(duŝo+necesejo)
0 - 2 jaroj0€
3 - 5 jaroj190€
6 - 26 jaroj225€
pli ol 26 jaroj305€
unulita ĉambro370€
dupersona ĉambro*+35€
* ni komence ne havis dupersonajn ĉambrojn listigita en la kotizo listo, la krompago estas postulata de la junulargastejo por dupersonaj ĉambroj kaj ni nur aldonis ĝin la 2an de aprilo.

En Xanten ni nur ofertas unu loĝkategorion. La kotizo inkluzivas loĝadon, 3 manĝojn tage kaj endoman pro­gra­mon. Ekskursoj estas surloke aparte pagendaj. Materialon por man­laboroj oni pagas laŭ uzita kvanto surloke.

Se vi aliĝas antaŭ la 30.11.2013, vi ricevas 15€-an rabaton kiel trinkejokuponoj.

Por partatempa partopreno, ni kalkulas la plentempan kotizon dividita per 6 oble la tranoktoj.

Loĝantoj de Germanio, kiuj jam antaŭe partoprenis en PSI kaj ne estas membroj de GEA/GEJ, ricevas 25€-an malrabaton.

Via aliĝo ekvalidas nur per antaŭpago de minimume 50 € por ĉiu persono. Ĝi estas parto de la kotizo. La antaŭpago respektive la plena kotizo, se jam pagita, minus 10 € estos repagata nur post ĝustatempa malaliĝo antaŭ la 10-a de marto 2014. Post tiu dato la antaŭpago ne estos repagata.

Por partoprenantoj el nepagipovaj landoj laŭ niaj financaj ebloj kaj eventuala programkontribuo. Bonvolu priskribi vian eblan kontribuon al la programo. Oficialajn invitleterojn ni sendos nur post interkonsento.

el germanio:
Konto: 8603603
Bank für Sozialwirtschaft (550 205 00)
internacie:
BIC-Kodo: BFSWDE33MNZ
IBAN: DE75 55020500000 8603603
UEA kodo:
psin-m
eblas pagi per kreditkarto, detaloj ĉe paĝaro de UEA
nepre ĝiru kun titolo: «PSI 2014» + [Antaŭpago/Kotizo] + VIA NOMO

Aliĝi

prizorgas Martin Sawitzki

persona nomofamilia nomonaskiĝdatoseksoretpoŝtadresomanĝotipolingvokurso
Kontaktinformoj
Aldonaj informoj:
Partopreno
Rimarkoj / Komentoj
Antaŭpago
Mi antaŭpagis/os
al:
pagdato:
Pagdevige aliĝi

Post kiam vi klakas «aliĝi» vi tuj ricevas konfirman mesaĝon kun pliaj informoj.

Ne hezitu kontakti nin, se vi havas demandojn.