La nomo "Esperanto" por ĉiam eniris en la kronikon de la berlina akvosporto.
En konkurso pri Oberhavel-pokalo, kiu okazis sabate, je la 23-a de junio 2007, la teamo de la motorjakto "Esperanto" atingis la unuan rangon kaj povis hejmenporti pompan premiovazon kaj diplomon.
La tri ŝipanoj ne nur brile kaj precize plenumis elementajn navigajn taskojn, sed ankaŭ pruvis profundajn sciojn pri la akvo-distrikto inter Tegel, Niederneuen-dorf kaj la lago de Spandau.
Krome ili montris siajn sperton kaj scipovon sur la Odra-Havela Akvo-vojo kaj ĝenerale sur la kampo de la enlanda navigado en Germanio. La jakton estris ties posedanto Gabriela Schnell. Subtenis ŝin, partoprenante en la plenumado de plej diversaj taskoj, Roland Schnell kaj Lu Wunsch-Rolshoven. La hejma haveno de la jakto situas sur la tereno de Motor Yacht-Club Tegel (MYCT).
De tie ĝi regule startas al veturoj tra la akvoj de Berlino kaj Branden-burgio. Ankaŭ plursemajna vojaĝo ĝis Balta Maro estas inter la aventuroj planitaj por la estonto.
Je la demando "Ĉu vi parolas la lingvon, sub kies nomo veturas via ŝipo?" la teamanoj povas respondi sen hezito: "Jes, kompreneble".

Roland Schnell

La estraroj de Esperanto-Asocio Berlin-Brandenburgio kaj E-Ligo Berlin atentigas, ke iliaj komunaj kunsidoj estas publikaj. Ĉiu estas invitata ĉeesti kaj partopreni en niaj diskutoj. La datojn de la kunsidoj anoncos la kalendaro de EIBB. Protokolojn sendos Gerd Bussing al tiuj membroj, kiuj petas pri tio per reta mesaĝo.

Kontaktadreso: Karpunina@aol.com

...venis gastoj en julio por viziti nin. Nome: Kalle Villbaste, studento de teologio el Tartu en Estonio; Ada Ferreira, instruistino en la lernejo kaj infanvilaĝo Bona Espero, Brazilo; Bob Micheletto, spertulo pri komputiloj el Ĉikago kaj Sveta Smetanina lingvo-instruistino kaj gvidanto de Moskva Esperanto-Centro.

Se jes, vi eble ŝatos de tempo al tempo partopreni en ĉiumonata renkontiĝo, en la unua lundo de la monato ekde la 19a horo, en la kafejo "Arema", Birkenstr. 30 (10551 Berlin). Vi iros nur kelkajn metrojn de la metrostacio Birkenstraße (linio U9) aŭ kvin minutojn de la S-stacio Westhafen (ringa linio).
 
Mi jam rezervis tablon por la unua fojo en lundo, 3a de septembro, 19a horo, en la malantaŭa parto de la kafejo (por nefumantoj).
 
Dum la vesperoj ni babilos en Esperanto, kutime (sed verŝajne ne ĉiam) sen aparta programo - laŭ la modelo de la ĵauda rondo, do kun la tradicia ebleco paroli alilingve kun najbaro.
 
En la kafejo ekzistas senkosta "WLAN", do la interreto kapteblas sendrate per mia (kaj eble ankaŭ via) komputilo. Tiel oni povos ekzemple kontroli vortojn en la interreto aŭ, ekzemple, prilabori artikolon el Vikipedio.
 
En la kafejo estas pluraj librobretaroj, ankaŭ en la regiono por nefumantoj, kie ni sidos. Tie ni povos deponi kelkajn, prefere ne tro valorajn Esperanto-librojn - iujn oni eble ŝtelos, sed verŝajne multaj ja restos. La kafejo ofertas ankaŭ diversajn manĝaĵojn, plaĉajn almenaŭ laŭ aspekto. La aliaj gastoj evidente ĝuis ilin.
 
Por povi iom antaŭplani mi bonvenigas sinanoncojn (prefere nur al mi, ne al la dissendolisto). (Mi eble malrapide reagos, mi forestos el Berlino ĝis ĉirkaŭ la 20-a de aŭgusto.)

Lu Wunsch-Rolshoven
EsperantoLand

...jam pasis iom da tempo. Sed la organizintoj kaj kelkaj prelegintoj ebligas al ni iomete (re)viziti ĝin ankoraŭ nun. Dankinda oferto, precipe por tiuj, kiuj ne ĉeestis. Temas pri tekstoj respektive dispozicioj de kvar prelegoj el la kongresa programo. Ili estas haveblaj senpage en la interreto en formo de pdf respektive mp3. "Kien kreski en Esperantujo ?" demandas Hans Fechler. Li esploras, kiun rolon Esperanto estonte povos ludi, atentigas pri interkulturaj kaj komunikadaj deficitoj inter la esperantistoj kaj konklude rekomen-das interalie:
 
"Ni ekkonu tion, kion Zamenhof intencis realigi, ankaŭ en la multaj kaj diversaj projektoj, kiuj ĉie en la mondo sur diferencaj vojoj alstrebas la saman celon. Kaj ni serĉu kontaktojn al ili, por kune kaj sinergie labori por la celo".
 
Ĉerpante el propraj spertoj Wera Blanke prezentas en modele klara kaj superrigardebla formo prak-tikajn konsilojn pri la temo "Publike paroli".
 
La resumo de la prelego "Kiel konservi nian spiritan havaĵon?" de d-ro Detlev Blanke ebligas al la leganto rigardi la temaron bibliotekoj, arkivoj k.s. en la Esperanto-movado kvazaŭ el birda perspektivo kaj do sisteme aliri ĝin. Blanke donas bazajn difinojn, listigas distingajn kriteriojn, skizas tipologian enklasigon kaj nun-tempajn defiojn.
 
Aldone vi trovos sondosieron kun kontribuo de d-ro Werner Bormann pri la "Kreskanta urbo Hamburg".