Esperanto en dialogo

Da heutzutage besonders viele Studenten Esperanto lernen, ist es nicht verwunderlich, dass in dieser Lektion einiges aus dem Studentenalltag vorkommt.

Außerdem brauchen Sie Internet-Fachwörter, um im Netz mit anderen Esperanto-Lernenden und -Sprechenden zu plaudern. Ein Chat heißt z.B. "babilejo" (wörtlich: 'Plauderort').

<1.0> El mia vivo kiel studento

<1.1>
Saluton! Mia nomo estas Birgit. Hodiaŭ mi volas paroli al vi pri mia vivo kiel studento.
Mi havas familion, unu fraton kaj unu fratinon, sed ni loĝas dise.
Mi studas en la universitato de malproksima urbo.

<1.2> <-ad->
Kvankam mi ne krome laboras, mi havas sufiĉan monon por vivi, ĉar miaj gepatroj pagadas mian studon.

<1.3>
"Labori" signifas tie ĉi: "labori per la manoj", "permane labori", "manlabori", ĉar mi jes ja laboras:
Mi estas studento, do, mi laboras ja per la kapo.

<1.4> <-ik->
Mia ĉefa fako estas lingviko, ĉar mi volas iĝi lingvisto. Krome mi studas la Germanan kaj la Francan lingvojn.
Mi estas nun en la sepa semestro. La antaŭ-ekzamenon mi jam trapasis sukcese.

<1.5>
Ordinara labortago de mi pasas jene:
Matene, je la sepa horo, mia vekhorloĝo vekas min, frue, eĉ tro frue, pensas mi ĉiam.
Mi matenmanĝas nur malmulte, kutime nur iom da pano, kaj trinkas du tasojn da kafo.
Antaŭ ol forlasi la domon, mi kunpakas miajn kajerojn kaj librojn. Poste mi prenas mian biciklon kaj biciklas al lekciejo.

<1.6>
Kelkaj lekcioj estas tre interesaj, aliaj foje tro malfacilaj. Studi ne ĉiam estas plezuro, tion mi devas konfesi.
Dum la tagmeza paŭzo mi kutime restas en la universitato kaj tagmanĝas en la studenta manĝejo.

<1.7> <-end-> <-op-> <-um->
Posttagmeze mi prenas la liston kun farendaĵoj.
Unue mi iras al la universitata biblioteko por kolekti la legendajn librojn kaj kopias artikolojn.
Poste ni studentoj sidas ofte duope aŭ triope kune por cerbumi pri iuj specialaĵoj el la lekcioj.

<1.8>
Fine mi iras hejmen por plulegi aŭ tajpi iom, antaŭ ol vespermanĝi.
Vespere mi devas ofte ankoraŭ multe lerni kaj skribi, foje eĉ ĝis malfrue en la nokto, ĉirkaŭ noktomezo.

Do, tia estas mia ĉiutago.

<2.0>
Demandu alian personon per la subaj demandoj:

<2.1>
Kio Birgit estas?

Ĉu la loĝ-urbo estas proksima?

Kiom da gefratoj havas ŝi?

La kioma infano estas ŝi laŭ-aĝe?

Ĉu ŝi havas sufiĉe da mono?

<2.2>
Kiun ĉefan fakon Birgit studas?

Kio ŝi nome volas iĝi?

En la kioma semestro estas ŝi?

Ĉu ŝi jam pasis tra la ekzameno?

<2.3>
Kio vekas la studentinon kutime?

Ĉu estas tiam matene, tagmeze aŭ posttagmeze?

Je la kioma horo la vekhorloĝo vekas Birgit?

Ĉu ŝi pensas, ke la horloĝo vekas ŝin je ĝusta tempo?

Kiom manĝas Birgit matene?

Kiom da tasoj de kafo trinkas Birgit?

<2.4>
Ĉu vi konas ŝian labortagon?

Per kio ŝi veturas al la lekcioj?

Kiaj estas la lekcioj foje?

Kion ŝi faras dum la tagmeza paŭzo?

Ĉu Birgit fine de la tago havas liberan vesperon?

<3.0> Konstruu demandon el la vortoj en la subaj linioj, kaj alia persono respondu ĝin:

<3.1> (Birgit, havi, profesio)

<3.2> (kial, havi, kromlaboro)

<3.3> (personoj, familio)

<3.4> (kiam, horloĝo, veki, Birgit)

<3.5> (manĝi)

<3.6> (tiam fari)

<3.7> (fakoj, studi)

<3.8> (kia, lekcio, universitato)

<3.9> (Birgit, tagmezo)

<4.0>
Demandu nun alian personon pri ties vivo: (Reagu al la respondo foje ŝerce per: "Domaĝe!")

<4.1>
Kiom da jaroj vi havas?

Ĉu vi flue parolas Esperanton?

Ĉu vi kutime estas ĝustatempa?

<4.2>
Je kioma horo vi vespere enlitiĝas?

Dum kiom da horoj vi dormas nokte?

Ĉu vi ŝatas legadi en la lito?

<4.3> <Satzattribut>
Ĉu vi manĝas viandon aŭ ĉu vi estas vegetarano?

Ĉu vi havadas margarinon anstataŭ butero sur via pano?

Ĉu vi ŝatas trinki kafon aŭ ĉu vi pli ŝatas teon?

Ĉu vi trinkas vian teon dolĉa aŭ sen sukero?

<4.4>
Kion vi faras ekster via labortempo?

Ĉu la vivo estas por vi plezuro, eble malgraŭ kelkaj malbonaĵoj?

<5.0> Kiel tekstu la subaj frazoj komplete?

<5.1> Hieraŭ mi kuŝ... en mia lito kaj dorm..., kiam mult... tro fru... vekis mi... mia vekhorloĝo.

<5.2> Mi povis ankoraŭ long... pludormadi, sed ankaŭ studento estu ĝustatemp... .

<5.3> Tial mi ellitiĝis, vestis mi... kaj komencis matenmanĝ... .

<5.4> Mia matenmanĝo estis tre malriĉ... :

<5.5> Mi trinkis nur unu taso... da kafo... kaj manĝis iom da pano... sen buter... .

<5.6> Kelkaj el mia... kajero... kuŝis sur la tablo, sed kelk... alia... ankaŭ sur divers... seĝo... .

<5.7> Mi prenis la kajero... kaj miaj... libro... kaj iris el la ĉambro... ekster la domo... al mia... bicikl... .

<5.8> Sed ĝi est... difekt... .

<5.9> Mi tre malĝoj...is kaj pensis: "Tia bicikl...o! Mi est... vera malbonŝanc...o."

<5.10> Do, mi iris pied... al la universitato.

<5.11> En ties ĉefa domo estas la lekci...oj, en kiu... mi havas mia... lekcio... .

<5.12> Unue mi salutis miaj... kunstudento... .

<5.13> Post... mi aŭdis, kio... la lekciisto dir... al ni... .

<5.14> Tiu ĉi diris, ke ŝi baldaŭ ekzamen... ni... .

<5.15> Tio estis ŝoko...!

<5.16> Tial mi hodiaŭ komencis tre mult... studad... .

<5.17> Sed mi timas, ke malgraŭ tio... jam pov... est... tro malfru... .

<5.18> Ho, kial mi ne pli frue komenc... lerni?

<5.19> Ĉiam mi estas malĝustatemp...o!

<6.0> Klarigu jenajn vortojn per uzo en kompleta frazo:

<6.1> proksimulo (homo, proksima)

<6.2> urbano (homo, loĝi, urbo)

<6.3> lekciejo (ejo, aŭdi, lekcio)

<6.4> noktomezo (horo, mezo, nokto)

<6.5> geedziĝi (iĝi, edzo, edzino)

<6.6> senŝuulo (homo, sen, ŝuo)

<6.7> dormejo (ĉambro, dormi)

<6.8> paŭzeto (mallonga, tempo, ne, fari)

<6.9> vegetarano (homo, manĝi, viando)

<6.10> tasotenilo (ilo, per, oni, teni, taso)

<6.11> poste-ulo (homo, veni, post, oni)

<6.12> Kiomas? (kioma, horo)

<6.13> longharulineto (malgranda, virino, kun, longa, haro)

<6.14> pensadi (longa, aŭ, intensa)

<6.15> manĝemulo (homo, kutimi, multege, manĝi)

<6.16> malĝustatempemulo (homo, kutimi, ne, ĝusta, tempo)

<6.17> homaro (ĉiuj, homo, tero)

<6.18> scivolema (ema, voli, scii)

<7.0> Temo:
Kion Birgit faras dum sia libertempo

<7.1>
Birgit havas ankaŭ plurajn hobiojn.
Unu ligas ŝin kun ŝia profesio:
Ŝi helpas produkti specialajn universitatajn paĝojn en la Interreto.

<7.2> <-ec->
Temas pri scienca bulteno por studentoj de lingviko.
Por tio laboras pluraj redaktistoj, kies kunsidojn prezidas ĉefredaktisto.
Klare, ke Birgit ne estas la respondeca ĉefo, nur ordinara membro.

<7.3>
Jen kaj jen ŝi intervjuas aliajn studentojn.
Krome ŝi en skatolo kolektas kelkajn artikolojn el gazetoj kaj raportas pri ili en la scienca studenta bulteno.
Se studento, kiu legis ĝin, volas havi paperan version de certa numero, li povas elpresi ĝin el la Interreto.

<7.4> <Bindestrich>
Dum sia cetera libertempo ŝi ŝatas, kaj aŭskulti muzik-diskojn per poŝ-diskilo, kaj rigardi film-kasedojn,
foje eĉ ĝis malfrue en la nokto.
Volonte ŝi jen kaj jen ankaŭ iras al la teatrejo aŭ rigardas filmon en kinejo.
Precipe plaĉas al ŝi modernaj Francaj filmoj.
Plie ŝi ŝatas foti, sed ŝi ne estas vera artisto.
Nur sporto ne donas al ŝi plezuron.

<8.0>
Mariŝa, kisu min (Slovaka popolkanto)

<8.1>
1. ./. Ĉiuj knaboj kaj knabinoj amas sin,
nur neniu junuleto amas min. ./.

<8.2>
(rekantaĵo:)
./. Mariŝa, kisu min,
sen peto al patrin',
ŝi juna same faris,
pri kisoj ne avaris. ./.

<8.3> <-nj->
2. ./. Batas panjo, batas panjo, batas min,
ĉar mi amas, ĉar mi kisas, knabo, vin. ./.

<8.4>
3. ./. Sidas panjo, sidas panjo, sur kortet',
dum mi estas en kamero kun knabet'. ./.

<8.5>
fonto:
http://www.angelfire.com/ok/stenjo/maris3.html

<8.6>
Ludu la kanton nun kiel skeĉon.
(Se vi ne havas kunlernantojn: Domaĝe! Tiam vi povas nur legi la tekston.)

<8.7>
Mariŝa: Ho, neniu amas min. Ĉiuj miaj amikinoj havas amikon, kun kiu ili interkisas.
Nur mi konas neniun, kiu volas min kiel amikinon.
Sed ... ĉu tie ne venas beleta junulo?

Knabo (venas):
Saluton, Mariŝa. Ho, kiom bela vi estas!
Plaĉas al mi via vizaĝo. Mi pensas, ke mi amas vin.
Mi volas esti kun vi, mi volas resti kun vi, kaj kisi vin, kisi vian belegan vizaĝon, jes, kisadi, kisegi ĝin.

La aŭskultantoj kantas:
Mariŝa, kisu lin, / sen peto al patrin'.
Ŝi juna same faris, / pri kisoj ne avaris.

<8.8>
Mariŝa: (ne scias, kion fari)
(al la aŭskultantaro): Kion? Ĉu mi tuj kisu tiun knabon? Mi ne scias.
(al la knabo) Saluton, knabo mia. Dankon, ke vi diras, ke mi estas bela.
Sed tio estas tro, mi ne estas bela, eble beleta, jes, eble iom beleta.
Kaj ĉu tuj kisi min? Mi ne scias. Jen prenu unue mian manon. Ĉu tio ne sufiĉas?

Knabo (prenas ŝian manon kaj ekkisas ĝin):
Ho, mia kor'! Kia mano!
(Rigardas la manon pli proksime, mallaŭte al si)
Kia mano!!! Mi povas legi la monolinion. Ŝi ricevos multan monon. Nun mi eĉ pli amas ŝin!
(Laŭte al Mariŝa) Ne, la mono - mi volis diri: la mano ne sufiĉas al mi, mi volas vin tuta, sed unue mi volegas kisi vin!

La aŭskultantoj ripetas: Mariŝa, kisu lin ...

<8.9>
Panjo (alvenas, ekvidas ilin kaj ekkrias):
Ho, kion mi vidas? Li volas kisi Mariŝan. Tio ne eblas.
(al la knabo) For vian manon de mia filino!
(al la aŭskultantaro) Ho, mi konas la junajn virojn. Unue oni interkisas kaj poste oni havas la problemojn:
Neniun monon, neniun domon, neniun komputilon, sed bebon!

Knabo (kun timo): Kia ebla bopatrino!
Panjo (al Mariŝa):
Unu aferon mi diras al vi: Vi ne kisos tiun knabon ĉi tie, aŭ mi batos vin, ĉu vi komprenas?
(Ŝi foriras kaj restas dekstre, kie ŝi laboras en la korto)

<8.10> <-ĉj->
Mariŝa (al la knabo):
Mi ne komprenas panjon. Kiam ŝi estis juna, ŝi tute ne estis avara pri kisoj kaj multe kisadis la knabojn.
Mi scias tion de mia paĉjo.
Sed kion fari? Se ŝi diras, ke ŝi batos min, ŝi ankaŭ certe faros tion.

La aŭskultantoj kantas: Mariŝa, kisu lin ...
dum la knabo kantas: Mariŝa, kisu min ...

<8.11>
Knabo:
Sed ŝi diris, ke mi ne kisu vin ĉi tie. Ĉu ni ne povas iri en la domon por interkisi?
Mariŝa:
Bonege! Tio estas la solvo. Venu kun mi en mian kameron.
(Mariŝa kaj la knabo iras maldekstren)
Mariŝa (ridas):
Panjo estas nun en la korto, dum la knabo kaj mi estas en mia kamero kaj interkisas.
(Ŝi kaj la knabo ridas kaj ili forte interkisas.)

La aŭskultantoj kantas: Mariŝa, kisu lin ...

(Fino)

<9.0> Demandu aliajn pri la temo: Kion vi faras en via libertempo?
Se vi ne scias vorton, rigardu en vortaron.
En la Interreto estas ekzemple la Reta Vortaro. La ret-adreso estas: http://www.reta-vortaro.de/revo/

<9.1> Kiujn hobiojn vi havas?

<9.2> Kies muzikon vi ŝatas aŭskulti?

<9.3> Ĉu vi foje fotas per poŝ-fotilo?

<9.4> Kiom da sportejoj estas en via urbo?

<9.5> Ĉu vin interesas la foto-arto?

<9.6> Kiom ofte en la jaro vi iras al teatro?

<9.7> Kiaj filmoj plaĉas al vi?

<9.8> Kiam vi uzas poŝdiskilon?

<9.9> Kiun sporton vi ŝatas dum via libertempo?

<9.10> Kiel ofte vi sportas, ĉu ĉiutage?

<9.11> Ĉu vi emus kunludi en popola teatro?

<9.12> Kiun popolan arton vi konas?

<9.13> Kiom da muzik-diskoj vi havas?

<9.14> Kiujn filmkasedojn vi havas?

<9.15> Ĉu vi emus ankaŭ mem skribi libron?

<9.16> Kiun muzikiston vi ŝatas?

<9.17> Kiun muzikilon vi ludas?

<9.18> Kiel ofte vi aliras la Interreton?

<9.19> Kiuj paĝoj en la Interreto vin plej interesas?

<9.20> Por kiu gazeto aŭ bulteno vi jam skribis artikolon?

<9.21> Kiam vi skribas ankoraŭ permane?

<9.22> Kial vi lernas Esperanton?

<10.0>
Temo: Kiel oni salutas kiam dum la tago

Legu jenan tekston. Ĉu vi komprenas ĉion?

<11.0>
Titolo: Birgit korespondas en la Interreto

<11.1>
Birgit eksidas antaŭ la ekrano de la komputilo kaj ekigas programon por korespondado per retpoŝto.

<11.2>
Ŝi tajpas per la klavaro jenan retmesaĝon al sia amikino Anjo:

<11.3>
Saluton, Anjo!
Mi dankas pro via lasta letero
kaj petas pardonon, ke mi tiel longe ne plu skribis,
sed mi ne plu memoris vian ret-adreson.

<11.4>
Krome mia retpoŝta kesto estis plena, eĉ plen-plena, bedaŭrinde ĉefe de trudmesaĝoj.

<11.5>
Mi havis ankaŭ problemon, eniri la babilejon de "www.lernu.net".
Mi ne ofte estas tie kaj ne plu memoris mian pasvorton.
Mi daŭre forgesas tiajn informojn.

<11.6>
Fine mi nun aktualigis mian retpaĝaron, precipe la ĉefpaĝon.

<11.7>
Vi volis ricevi bildon de mi. Mi ne havas belan koloran, sed nur nigra-blankan.
Mi skanis ĝin kaj jen sendas ĝin kiel alkroĉaĵon en la alkroĉejo.
Bv. elŝuti ĝin.

<11.8>
Atentu, kiam vi respondas, ke la temlinio de via mesaĝo ne restu malplena; alikaze mia trudmesaĝa filtrilo eble forviŝos vian tutan retpoŝtaĵon.

<11.9>
Mi devas nun ankoraŭ skribi tekston por la studenta forumo en la reto.
Do, korajn salutojn,
Birgit

<12.0>
Demandu kaj alia persono respondu:

<12.1>
Estas nun la 10a horo. Kion vi tiam kutime diras al alia persono?

<12.2>
Estas nun la 14a horo. Kion vi tiam kutime diras al alia persono?

<12.3>
Estas nun la 19a horo. Kion vi tiam kutime diras al alia persono?

<12.4>
Estas nun la 22a horo. Kion vi tiam kutime diras al alia persono?

<12.5>
Estas nun la 8a horo. Kion vi tiam kutime diras al alia persono?

<12.6>
Estas nun la 23a horo kaj vi iras dormi. Kion vi deziras?

<12.7>
Kiu estas la longa formo de: "Bonan matenon"! / "Bonan tagon!" / "Bonan vesperon!" / "Bonan nokton!" ?

<12.8>
Kiu estas la longa formo de: "Saluton!" / "Dankon!" / "Gratulon"! "Sanon!" ?

<13.0>
Interparolo: Legi ne estas laboro

Kaj nun ludu la interparolon mem!

Für das Sprachexamen auf dem Niveau B1 müssen Sie 15 Themen aus dem Alltag beherrschen und darüber reden bzw. einen kleinen Aufsatz schreiben können. Da die benötigten Wörter (Berufe, usw.) sehr individuell ausfallen, kann ein Lehrbuch nicht sämtliche Situationen berücksichtigen. Die in den folgenden Lektionen behandelten 15 Themen sind daher als Beispiele anzusehen. Überlegen Sie im Einzelfall, was bei Ihnen anders ist. Suchen Sie sich die von Ihnen benötigten speziellen Vokabeln aus einem Wörterbuch zusammen und verfassen Sie daraus Ihren Prüfungsdialog bzw. Ihren Aufsatz. Beachten Sie, dass Sie in einer Prüfung keine allzu persönlichen Dinge beantworten müssen; Sie können also auch beliebig von der Wahrheit abweichen. Es geht ja darum, Ihre Redegewandtheit zu überprüfen, nicht darum, Sie auszuhorchen.

<14.0>
Ekzameno sur baza nivelo (B1),
Temo 1: Personaj kaj familiaj indikoj

• sinprezento, prezento de sia familio, personaj indikoj
• profesio de la ekzamenato kaj de familianoj
• familiaj festoj, tradicioj

Lernu la necesajn novajn vortojn.
Poste kompletigu la ekzemplan dialogon per viaj personaj indikoj.

<15.0>
Ripetu jenajn afiksojn. Kontrolu, ĉu vi memoras kaj komprenas ĉiujn:
10 Prefiksoj:
bo-, ĉef-, dis-, ek-, fi-, ge-, mal-, mis-, pra-, re-
27 Sufiksoj:
-aĉ-, -ad-, -aĵ-, -an-, -ar-, -ĉj-, -ebl-, -ec-, -eg-, -ej-, -em-, -end-, -er-, -et-, -ig-, -iĝ-, -il-, -in-, -ind-, -ist-, -nj-, -obl-, -on-, -op-, -uj-, -ul-, -um-

Vi konas pli da vortoj ol vi scias. Enmetu afiksojn en jenajn frazojn kaj ripetu la frazojn en la Germana lingvo.

<15.1>
Homo, kiu laboras per aŭ por Esperanto, estas Esperant{?}o.

<15.2>
Membro en Esperanto-kurso estas kurs{?}o, kaj la aliaj estas liaj samkurs{?}oj.

<15.3>
En granda domo povas esti pluraj loĝ{?}oj.

<15.4>
Gepatroj nur malfacile alkutim{?}as al la longa telefon{?}o de siaj {?}filoj.

<15.5>
Kiam oni komencas sidi, oni {?}sidas.

<15.6>
Zamenhof kurac{?}is multajn homojn. Komence li estis ĝenerala kurac{?}o, poste, pli speciale, okul{?}o.

<15.7>
Por pli bone povi teni varm{?}an tason en la mano, la taso havas kutime ten{?}on.

<15.8>
Tiu ĉi erar{?}o en mia teksto estas nur {?}tajp(aĵ)o.

<15.9>
Io legata estas leg{?}o, kaj io skribita estas skrib{?}o.

<15.10>
{?}donita feliĉo estas plur{?}a feliĉo.

<15.11>
La gepatroj de Ana vokas ŝin ĉiam nur A{?}o, dum Ana diras al ili "pa{?}o kaj pa{?}o".

<15.12>
Kiu ĉiam volas scii ĉiujn nov{?}ojn, estas tre scivol{?}a.

<15.13>
La aŭto veturis kun tro alta rapid{?}o.

<15.14>
La antaŭ-{?}oj de mia {?}familio ne estas miaj {?}-uloj.

<15.15>
Bonan tagon, {?}sinjoroj Majer! Pardonu, ke mi ne tuj {?}konis vin.

<15.16>
Mi ne dirus, ke tiu libro estas leg{?}a, sed ĝi certe estas leg{?}a.

<15.17>
Homo, kiu profesie veturas sur la maro, estas mar{?}o.

<15.18>
La vorto "kamarado" signifis origine "samkamer{?}"o aŭ "kamerkun{?}o".

<15.20>
Mi demandis Katarinon, ĉu ŝi volas {?}i mia edz{?}o, sed tiu {?}ulino nur malbelsone rid{?}is.

<15.21>
Tiu teksto ne estas kompren{?}a, ĉu vi povas klar{?}i la enhavon al mi?

<15.22>
Afikso estas vort{?}o, sed manlibro kun fremdaj vortoj estas vort{?}o.

<15.23>
Por kelkaj aferoj ne estas kaŭzo, ili ŝajne de si mem ek{?}as.

<15.24>
Diri la literojn de vorto laŭvice, estas liter{?}i.

<15.25>
Oni montras malbonan edukon, kiam oni daŭre manĝ{?}as per la fingroj kaj ne per manĝ{?}oj.

<15.26>
Kie oni eniras, tie estas la enir{?}o; kie oni eliras, la elir{?}o.

<15.27>
Anstataŭ "Pollando" oni povas diri ankaŭ "Pol{?}o".

<15.28>
Per komputilo oni povas ankaŭ kalkuli, sed kutime sufiĉas poŝkalkul{?}o.

<15.29>
"Plulegi" signifas "daŭr{?}i la leg{?}on".

<15.30>
Instru{?}o de lern{?}o estas samtempe ankaŭ eduk{?}o.

<15.31>
Por paŭzi mi volonte trinkas kafon en kaf{?}o.

Nun diru unu vorton kun afikso al alia kursano kaj tiu formu kompletan frazon, en kiu aperu via vorto.

<16.0> Intervjuo

Kaj nun ludu la intervjuon mem ...

<17.0>
Ekzameno sur baza nivelo (B1),
Temo 2: Hejmo kaj ĉirkaŭaĵo

• prezenti sian domon / loĝejon kaj ĉirkaŭaĵon
• prezenti sian loĝ-urbon / loĝokvartalon / vilaĝon
• studentohejmo, luata loĝejo: argumentoj por kaj kontraŭ

Lernu la necesajn novajn vortojn.
Poste kompletigu la ekzemplan dialogon per viaj personaj indikoj.

<17.1>
Bonan vesperon, mia nomo estas Karlo Koro.

<18.0>
Interparoloj. Post kiam vi legis la tekston, ludu la interparolon mem.

Nun diru "Ĝis / revido!" ni!
Ne restu longe for!
Malĝoje vivos mi sen vi,
doloros mia kor'.

Ni diru "Ĝis / revido" nur!
Al vi konfesas mi:
Sen vi ne estos plu plezur'
ĝis la revid' kun vi!