La ejo

La 50-a IS okazos en unu el la plej grandaj junulargastejoj de Germanio. La kastelo Vevelsburgo (Wewelsburg), en kiu ne nur troviĝas la junulargastejo sed ankaŭ muzeo, estis konstruata ekde 1603 ĝis 1609 en la samnoma vilaĝo, hodiaŭ parto de la urbeto Büren (23.000 loĝantoj) apud Paderborn. La muzeo montras la historian tempon de la kastelo, kiam ĝi estis instruejo de la naziaj gvidantoj dum la tria sesono de la pasinta jarcento. La memzorgantejo estos proksime de la ejo kaj piede atingebla.

Google Maps havas satelitan bildon de la ejo.

Jen la adreso de la junulargastejo:

Jugendherberge Wewelsburg
Burgwall 17
33142 Büren-Wewelsburg
Telefono:  +49 (0)2955 6155
telefakso: +49 (0)2955 6946

En la enirhalo estas publika (monera) telefono, kiu tamen ne redonas ŝanĝmonon, se vi pagis tro. Eblas telefoni al tiu aparato de ekstere per numero +49 2955 16079. (Tamen esperantistoj estos proksime nur dum IS.)

La Urbo

La urbo Paderborn estas universitata urbo. Situata inter Kassel kaj Dortmund, ĝi estas unu de la centraj urboj de Vestfalio (Westfalen). Tiu regiono Vestfalio troviĝas en la centro de Germanio, pli precize en la orienta parto de la germana ŝtato Nordrhein-Westfalen (mallonge NRW). Komence de la pasinta jarcento la vestfaloj estis ĉefe kamparanoj, sed baldaŭ la (automobila) tekniko kaj la vestaĵ-farado iĝis pli gravaj. Krome la muzeo de Heinz Nixdorf (komputilado) estas en la regiono.