Partoprenkondiĉoj

Servoj

La plena kotizo inkluzivas la loĝadon kaj manĝadon en la junulargastejo, la programon kaj la silvestran bufedon.
(Vi povas certi pri lito nur se vi frue aliĝas kaj ricevas konfirmilon de ni.)
La kotizo por memzorgantoj inkluzivas la loĝadon en amasloĝejo, la programon kaj la silvestran bufedon.

Datumprotekto

La Germana Esperanto-Junularo uzos, daŭrigos kaj traktos viajn datumojn interne de la asocio, por organizi la Internacian Seminarion.
Se vi ne malelektas la koncernan opcion en la aliĝformularo, via nomo aperos en la reta listo de aliĝintoj en la TTT.
Je la fino de la IS estos disdonata adreslisto kun la nomoj kaj adresoj de ĉiuj partoprenantoj.

Antaŭpago

La aliĝo de A- kaj B-landanoj ekvalidas nur post alveno de antaŭpago per kontoĝiro aŭ monbiletoj en eŭroj (sendo je via propra risko – al la administrado!). Bonvolu kunporti pruvilon pri via antaŭpago! – La aliĝo de C-landanoj ekvalidas post la alveno de la aliĝilo.
(Kompreneble ankaŭ la aliĝo devas alveni antaŭ limdato — antaŭpago sen aliĝo ne utilas por sekurigi pli malmultekostan aliĝkategorion. Se vi forgesis ĉu vi jam aliĝis, demandu ĉe is.admin (ĉe) esperanto.de.

Rabatoj por programkontribuantoj

Eblas proponi programerojn. Haveblas 15 € por la unua, 8 € por ĉiu plia, 5 € por sendi priskribon de la kontribuo kaj foton de la kontribuanto antaŭ la 1a de oktobro.

Rabatoj por TEJO-membroj

Kiu estas individua membro de TEJO por la jaro, kiu komenciĝos dum IS (do por 2007 dum la 50a IS) kaj pruvas tiun dum la akceptado, ricevos rabaton de 5 €.
Prefere jam pagu sufiĉe antaŭe vian kotizon al UEA kaj informu nin pri via UEA-kodo (tiam ni povos kontroligi TEJOn antaŭe kaj surloke ne bezonos multan tempon). Sed ankaŭ eblos membriĝi (aŭ rekotizi) surloke.

Krompagoj

Aliĝo post la 20a de decembro nur eblas surloke kaj krom-kostas 10 €.
Se vi bezonas oficialan invitilon por ricevi vizon por Germanio, bonvolu sendi vian peton ĝis la 31a de oktobro. Invitilo por homoj sub 30 jaroj kostas 5 €, alikaze 10 €. Ni sendos invitilon nur post alveno de tiu ĉi krompago! Se ni ial ne povos sendi invitilon, ni repagos la monon.
Dulita ĉambro kostas je persono po 20 €. Ni ĉijare havas nur ege limititan kvanton da, do bonvolu pripensi ĉu vi vere bezonas ĝin.
Beboj ĝis 2 jaroj, kiuj ne bezonas propran liton, partoprenas senkoste.
Enloĝantoj de Germanio, kiuj ne estas (en 2007) ordinaraj membroj de GEJ/GEA, krompagas sumon egalan al la membrokotizoj por 2007 (Membrokotizoj de GEJ, Membrokotizoj de GEA.). Eblas membriĝi surloke.

Partatempa partopreno

Eblas partopreni ne la tutan renkontiĝon. La kotizo estas la jena el via aĝ- kaj aliĝkategorio dividita per ses kaj multobligita per la nombro de partoprentagoj. Parttempa loĝado en la junulargastejo nur eblas se estas liberaj litoj. (Ni preferas plenpagantojn.) Tial estu preta loĝi en la amasloĝejo kaj provizore kunportu dormosakon kaj aermatracon.

Malaliĝo

eblas. Se vi sciigos nin ĝis la 20a de decembro, ni repagos ĉion krom 5 €. Poste ni repagos ĉion krom la (deviga) antaŭpago. Via antaŭpago estas transdonebla al alia persono, se vi skribe anoncas tion. En tiu kazo ni alĝustigos la kotizon, kiu ne povas malaltiĝi.

Ĉu mankas al vi mono por partopreni?

GEJ havas fonduson por malriĉaj partoprenantoj. (Retpaĝo bedaŭrinde nur en la germana.) Via peto alvenu gis la 31a de oktobro.
Se vi volas subteni tiajn partoprenantojn kaj havas iom da nebezonata mono, vi povas donaci speciale por tiu fonduso.

Atentigoj

Partoprenanto, kiu neelteneble negative influas la kunestadon en la grupo aŭ la efektivigon de la IS aŭ draste malobeas la doman regularon de la junulargastejo, povas esti forigita de la IS tujefektivige. Li tiukaze ne havas rajton je repago de ajna parto de la partoprenkotizo. Ĉiujn eblajn plikostojn pro la ekskludo ŝuldas la partoprenanto.

Fumado estas en la tuta domo (escepte en la trinkejo) strikte malpermesita. En kazo de kontraŭa ago aŭtomate fummezuriloj vokos la fajrobrigadon, kio kostas 400 € en kazo de ne-fajro (kion ni fakturos al la kulpinto). (En kazo de fajro kostos kompreneble multe pli.)

Ni volonte bonvenigus handikapulojn, sed ni ne povas certigi taŭgan ejon. Nepre kontaktu nin por ke ni povu prepari ĉion necesan.

Por familioj kaj ne tiom junaj esperantistoj ekzistas du paralelaj renkontiĝoj: la Internacia Festivalo (IF) kaj la Novjara Renkontiĝo (NR).

Partopren­kondiĉoj