Reen al la cxefa pagxo

Antaux kelkaj jaroj ekestis la diskuto pri la alteco de la kotizoj dum multaj Esperanto-renkontigxoj. La gxisnuna metodo distingi la partoprenantojn laux iliaj adreslandoj montrigxis netauxga, cxar kompreneble en cxiu lando ekzistas (relative) ricxaj kaj malpli ricxaj enlogxantoj. La eterna problemo sxajnas esti la trovado de bona mezurebleco kiu ekzakte determinas kiom da kiu (persone!) pagu.
Pro tio la redakcio de la Blinda Gardisto (cetere la oficiala murgazeto de la 43a IS en Wetzlar) finfine mem cerbumis kaj tuj trovis eblecon solvi la problemon: ACxKATEGORIOJ! Vi ja certe konas la gxis nun ofte uzitan metodon altigi la kotizon por pli agxaj partoprenantoj. Tion ni estimas ege maljusta cxar iom pli maljunaj samideanoj kiuj kelkfoje pagas al ni bieron efektive plialtigas nian personan gxuon. Kial do puni ilin per altaj kotizoj?
La kvanto de la pagenda mono estu ligita al la amuzo kiun cxiu partoprenanto persone kontribuas al la aliaj. Inverse cxiu bonetosdetruanto pagu pli cxar la organizantoj ja devas zorgi pli por la distrigxo de la cxeestantaro se sxli estas inter ili. Ni certas ke la sekvaj proponoj estos uzitaj en cxiuj estontaj aligxiloj:



viroj tre avara avara malavara bela 800 500 200 malbela 360 250 20

virinoj tre kisema kisema malkisema bela sola 10 25 600 nesola 60 100 400 malbela sola 800 500 150 nesola 1000 800 250

aliaj 2000

Cxiuj subaj prezoj en Germanaj markoj.

A-landoj: Albanio, Algxerio, Auxstrio, ...
B-landoj: Belgio, Britio, Bulgario, ...
...
Z-landoj: Zairio, Zambio, Zimbabvo, ...

Krompagoj:

ronkado, brui lauxte antaux la ejo dumnokte, ellitigxi antaux la dekdua tagmeze	60 DEM
insisto pri nefumado	100 NLG
kvazauxfilipe malbonaj sxercoj, ludi publike komutilajn ludojn	80 DEM
partopreni la teman programon, deziri acxan muzikon en la diskejo	50 DEM
endiskeja senpostpardonpeta piedsurtretado	40 DEM
bojkoti "La Bamba"	90 Kunaoj
kanti acxe dum la internacia vespero	75 DEM
plie varbado por KDj aux/kaj kasedoj	80 DEM
fari stultan kongresan gazeton	30 DEM
eldoni oficialan murgazeton	80 DEM
organizi privatan feston sen inviti nin	9999 ITL
disdoni aligxilojn troe	60 DEM
po malsxato de organizanto	100 DEM
uzi akvopafilon kontraux neakvobatalemuloj	9000 HUF

Reen al la cxefa pagxo

auxtoroj: Till Schönberner kaj Gunnar R. Fischer

retposxta adreso:
Gunnar.Fischer@esperanto.de
Se mi komprenu la retmesagxon bonvolu skribi en Esperanto, la germana, la angla aux la itala.