Internacia Seminario (IS)
bona socio & komunikado malgraux teknikaj problemoj
sukcesa 41a Internacia Seminario en Traben-Trarbach an der Mosel, 27.12.97-03.01.98
(Se vi ne konas la IS-n mi rekomendas legi mian informan pagxon pri la IS antauxe.)
gxeneralaj informoj:
- 302 partoprenantoj el 32 landoj (kompare la IS en Freiburg: 327 el 28 landoj)
- partoprenantoj interalie ankaux el Brazilio, Cxinio, Etiopio, Irano, Israelo, Kanado kaj Ukrainio
tema programo
Cxijare - dank al la laboro de Ziko "Esperanto sen mitoj" M. Sikosek - venis tri specialaj gastoj:
D-ro Uwe Neddermeyer, docento en la Historia Seminario de la Kolonja universitato prelegis pri "la latina kaj libro-presado", Jorge Camacho, membro de la Akademio de Esperanto, tusxis la iomete tiklan temon "demagogio en Esperantio" kaj Dr-o Renato Corsetti, eksa prezidanto de TEJO, informis en sia prelego pri "fremdlingva instruado kaj denaskaj Esperantistoj". Sed ankaux la aliaj kontribuoj (interalie) pri amaskomunikiloj, originala Esperanto-literaturo, komunikado inter bestoj kaj la interreto povis allogi multajn interesitajn partoprenantojn.
televida vespero
Por pritrakti la temon cxifoje ankaux en la vespera programo kelkaj personoj el la organiza teamo (KKRen) kune kun helpantoj preparis "televidan vesperon" kiu celis fakte amuzigi la homojn kaj ne kauxzi longajn priparolojn. Tamen gxuste tio okazis - cxar la uzita tekniko plurfoje ne funkciis kaj diversaj neplanitaj pauxzoj estigxis en kiuj oni diskutis pri la kauxzoj. Malgraux tiuj paneoj finfine la vere amuzaj satiraj filmoj povis esti montritaj (eble plej bona: du parfumvarbajxparodioj ) . Sed tio ne estis cxio: (sxercaj) novajxoj, la sensacijxurnalista elsendo "La varmega segxo", la kuninfana ludo "Sxnakdabla" kaj la ne tiom serioza intervjua "IS All Stars" donis bonan impreson al la spektantaro kiel normala vespero povas aspekti en Germana privata televido. Do krom la komencaj teknikaj problemoj estis amuza kaj sukcesa vespero.
"sola korī"-vespero
La tradicia IS-diskoteko havis novajxon: vespero kiu celis doni ankaux al la iom timemaj personoj sxancon por flirto. Por arangxi tion, cxiuj partoprenantoj de la nokta vivo ricevis numeron surgluita, kelkaj fakte iom malordinarajn kiel "4711" (Marc Steßgen), "0815" (Till Schönberner) aux "007" (Gunnar Fischer). Se oni do vidis poste belan ulon aux inon oni nur devis plenigi unu de la antauxe preparitajn amleterojn kaj sendi gxin al la numero de sia koro. La disdonitaj nombroj do ebligis facilan kaj por la aliaj anoniman flirtadon. La auxtoro de cxi tiu artikolo cetere mem ricevis tre belan leteron (amikecan, ne aman).
gufujo
La alternativo al la bedauxrinde ne tiom longe kiel en Freiburg malfermita trinkejo ne nur ofertis multajn diversajn tespecojn, noktan literaturan horon kaj babiladon en senfuma cxirkauxo sed cxifoje ankaux bongustajn marcepanajn bobelojn. Do lauxdon al Natalie kaj Rolfo!
la silvestra balo
La silvestra bufedo certe estis la plej granda de la lastaj kvin Internaciaj Seminarioj. Cxiu povis preni tiom multe kiom sxli volis kaj tamen cxiuj ricevis suficxe. La estro de la ejo, Sr-o Pascual, do ne promesis tro multe kiam li diris ke ni cxifoje ne havos problemon kun la kvanto de la mangxajxo. Pro iom pli inteligenta starigo de la bufedo kaj du vicoj oni ankaux ne devis tiom longe atendi kiel normalkaze sed inverse oni suficxe rapide povis plenigi sian stomakon.
La temo de la cxijara balo estis la t.n. "Oscar-premio". En la dua informilo oni anoncis ke cxiuj partoprenantoj vestu sin kiel famaj aktor(in)oj aux roloj. Tiun peton felicxkaze ankaux sekvis kelkaj. Plej bone preparita estis Valentina Maria Nan kaj siaj du gefiloj kiuj vestis sin kiel la cxefroloj el "la sorcxisto de OZ". Ili ecx prezentis unu de la kantoj el tiu filmo kaj ricevis meritan grandan aplauxdon.
nova IS-kanto
Dum la televida vespero nova IS-kanto estis prezentita al la publiko. La auxtoro kaj kantisto, Gunnar Fischer, ne nur esperas ke gxi igxas iom pli konata en Esperantujo sed ke se li iam prezentos gxin plian fojon li havos pli bonan vocxon kaj kasedan muzikon. La teksto haveblas en la reto. La notoj de la melodio (origina kanto: "Il volo"/"My love" de Zucchero Fornaciari) estas tamen ankoraux sercxataj, same kiel instrumentala versio de la kanto sur kompaktdisko aux kiel datumo. Do se iu hazarde havas, bonvolu skribi al la suba adreso.
malagrablajxoj
Bedauxrinde la IS estis ankaux ombrita per kelkaj ne tiom bonaj okazajxoj:
- Pro iuj stultaj problemoj kun la UEA-konto de GEJ la antauxpagoj de pluraj partoprenantoj ne alvenis kaj sekve ili ne ricevis duan informilon cxar ili ja sxajne ne pagis.
- Kelkaj partoprenantoj ne povis alveni cxar la Germanaj konsulejoj en Albanio kaj la Irano ne donis vizojn al ili kvankam la posxte kaj fakse senditaj invitleteroj kontentigis cxiujn postulojn. Ecx telefonado kun la Germana Eksterlanda Buroo en Bonn ne povis helpi. Ili nur informis ke eble la faksilo en Tirana ne funkcias. Sxajnas ke kelkaj Germanaj konsulejoj simple ne volas doni vizojn, ecx se jam plurfoje homoj el tiuj landoj venis al Germanaj Esperantoarangxoj. La Konstanta Komisiono pri Renkontigxoj, KKRen, esploros la situacion kaj esperas ke venontan fojon tia idiota burokratio ne estos obstaklo por la partoprenantoj.
- Iu enlogxanto ne sxatis ke junuloj el la tuta mondo sin ankaux amuzas en la diskoteko gxis la mateno kaj pro tio alvokis nian amikon kaj helpanton, la policon, kiu vizitis nin regule por certigi ke ni ne tro "bruas". Kiel Marc Steßgen post diversaj eksperimentoj kun la lummasxino eltrovis, la gxenatulo ne vere reagis al la muziko sed simple rigardis cxu oni povas vidi buntan lumon en unu de la kelaj salonoj. La surloka policanoj tuj kontrauxis la ideon ke iu homo en Traben-Trarbach povus esti kverelanto, ne kredis nin kaj ecx minacis forpreni la teknikajxojn. Dum la lasta nokto do la diskoteko estis en la trinkejo kaj matracoj estis fiksitaj al la muroj. Eble tiu persono (kiu ecx telefonis al la junulargastejo kaj anoncis uzi korpan perforton) havas parencojn en Tübingen, kiu scias...
persona impreso
Malgraux tiuj lastaj punktoj mi tre gxuis cxi tiun Internacian Seminarion kaj jam antauxgxojas la venontan. Laux mia propra pritakso estis ecx mia plej bona IS (ankoraux pli bone ol Freiburg!). Mi pensas ke tiu gxojoplena festado kun Italoj, Kroatoj, Hungaroj, Rusoj, ... , estas nur malfacile supertrafebla. Do kion mi diru plu?
IS - TIEL devas esti!
Lastaj sxangxoj: 23.01.98
auxtoro: Gunnar R. Fischer
retposxta adreso:
kunar@uni-paderborn.de
Se mi komprenu la retmesagxon bonvolu skribi en Esperanto, la germana aux la angla.