Partoprenkondiĉoj

• La plena kotizo inkluzivas la loĝadon kaj manĝadon en la junulargastejo, la programon kaj la silvestran bufedon.
• La kotizo por memzorgantoj inkluzivas la loĝadon en amasloĝejo, la programon kaj la silvestran bufedon.

Atentigoj

• Eblas partatempa partopreno: la kotizo estas la plej alta kotizo en via aĝkategorio, dividita per ses kaj multobligita per la nombro de partoprentagoj. Rimarku ke parttempa partopreno en la junulargastejo eblas nur se ne ĉiuj litoj jam estas rizervitaj por plentempaj partoprenantoj! Parttempaj partoprenantoj do estu pretaj loĝi en la amasloĝejo kaj provizore kunportu dormosakojn kaj aermatracojn!
• Vi povas certi pri lito nur se vi frue aliĝas kaj ricevas konfirmilon de ni.
• Via aliĝo estas transdonebla al alia persono, se vi skribe anoncas tion. Ni alĝustigas la kotizon, kiu ne povas malplialtiĝi.
• Por ĉiu aliĝanto necesas aparta aliĝilo, do grupaj aŭ listigitaj aliĝoj ne estos akceptataj.
• Petoj je invitleteroj devas esti alvenintaj ĉe ni ĝis plejmalfrue la 1an de novembro 2003!
• Por junaj familioj ekzistas la paralela renkontiĝo "Internacia Festivalo". Informoj ĉe www.internacia-festivalo.de
• Alternative okazos ekde la 28a de decembro 2003 ĝis la 2a de januaro la Novjara Renkontiĝo. Informoj ĉe www.EsperantoLand.org

Kiel aliĝi

• La aliĝo de A- kaj B-landanoj ekvalidas nur post alveno de antaŭpago per kontoĝiro aŭ monbiletoj en Eŭroj (sendo je via propra risko!). La antaŭpagsumo estas por
• A-Landanoj 30 EUR
• B-Landanoj 10 EUR