Esperantaj literoj: Unikodo charset - elektu al unikodo aŭ al cx

IS 2000/01

44a Internacia Seminario

27.12.2000 - 03.01.2001 en Cuxhaven

Survoje al nova jarmilo - kio estas antaŭ ni?

Atinginte la jaron 2000 en unu el la plej frenezaj kaj sovaĝaj IS-j iam ajn - nome la fifama IS 1999/2000 en Wetzlar - ni konstatas: malgraŭ multaj antaŭdiroj la mondo ne detruiĝis, la vivo ne finiĝis kaj nenio vere ŝanĝiĝis. Tio estas parte feliĉiga ĉar ŝajne ni, la junularo de la mondo tamen havas ankoraŭ estonton. Sed kian?
Ĝuste tiun demandon ni volas starigi al ni dum la venonta IS. Parolinte dum la lasta IS pri kio estas malantaŭ ni, nun necesas rigardi antaŭen kaj esplori iom pri nia estonta vivo. Kio atendas nin, ĉu en nia hejmo, nia urbo, nia lando aŭ internacinivele? Kiaj evuluoj en la politika, socia kaj kultura kampoj estas atendeblaj? Kaj ĉifoje ni volas ĝuste ankaŭ demandi la sciencistojn inter ni pri inventaĵoj kiuj eble havos gravan influon al nia ĉiutaga vivo.
Krom tio dum tiu ĉi jarŝanĝiĝo ni ja ankaŭ havas bonan okazon por festi, ĉar ni nun eniras la 21an jarcenton kaj la 3an jarmilon! (Por ĉiuj kiuj eble ne konsentas pri tio: memoru ke ne ekzistis la jaro 0...) Ni antaŭvidas diversajn koncertojn de la konataj Esperantlingvaj muzikistoj, teatraĵon, nokte filmojn, dancadon, kunumadon en diversaj trinkejoj kaj kiel kulminon la faman IS-an silvestran balon!
Por tiu ĉi okazo ni invitas vin al regiono longe neglektita de IS - al Cuxhaven, en norda Germanio. La gastiganta strukturo estas granda kaj agrabla junulargastejo kiu jam gastigis la IS-n 1991/92. Ĝi situas nur kelkajn metrojn de la maro. En ĝi troviĝas sufiĉe da loko por prelegoj, laborgrupoj, diskutrondoj kaj ankaŭ por la grandaj vesperaj aranĝoj. Memzorgantoj povos resti en gimnastikejo proksima de la junulargastejo. La situo de Cuxhaven permesas kaj ekkursojn laŭ la maro kaj al unu el la proksimaj grandurboj Hamburg kaj Bremen. Estu kore invititaj!

Kotiztabelo

Ĉiuj prezoj estas en eŭroj EUR. Ni havas 3 landajn kategoriojn (vidu sube).

Plena kotizo por A-landanoj
Aĝo je 27.12.00	aliĝo antaŭ 01.10.00	aliĝo antaŭ 01.12.00	poste (surloke)
A-landanoj
ĝis 20 jaroj	110	130	160
21-26 jaroj	130	150	180
ekde 27 jaroj	160	180	210

Rabato por B-landanoj: 30 eur. / Rabato por C-landanoj: 40 eur.

Memzorgantoj
Aĝo je 27.12.00	aliĝo antaŭ 01.10.00	aliĝo antaŭ 01.12.00	poste (surloke)
A-landanoj
ĝis 26 jaroj	60	70	80
pli ol 26 jaroj	90	100	110

Rabato por memzorgantaj B-landanoj: 40 eur. / Rabato por memzorgantaj C-landanoj: 50 eur.

Kategorio A:: Aŭstrio, Belgio, Britio, Danlando, Finnlando, Francio, Germanio, Irlando, Italio, Liĥtenŝtejno, Luksemburgio, Monako, Nederlando, Norvegio, San Marino, Svedio, Svislando, Vatikano
Kategorio B:: Andoro, Ĉeĥio, Grekio, Hispanio, Hungario, Kroatio, Malto, Pollando, Portugalio, Slovakio, Slovenio
Kategorio C:: ĉiuj ceteraj landoj

Krompagoj

30 EUR: Germanoj kiuj ne estas ordinaraj membroj de GEJ / GEA
15 EUR: por loĝado en 2-lita-ĉambro (je enloĝanta persono)
3 EUR: por invitletero (peto devas esti alveninta ĉe ni ĝis 01.12.2000!)

Partoprenkondiĉoj

La plena kotizo inkluzivas la loĝadon kaj manĝadon en la junulargastejo, la programon kaj la silvestran bufedon.
La kotizo por memzorgantoj inkluzivas la loĝadon en amasloĝejo, se ekzistas tia, la programon kaj la silvestran bufedon.

Atentigoj

Eblas partatempa partopreno: la kotizo estas la plej alta kotizo en via aĝkategorio dividita per sep kaj multobligita per la nombro de partoprentagoj. Rimarku ke parttempa partopreno en la junulargastejo eblas nur se ne ĉiuj litoj jam estas rizervitaj por plentempaj partoprenantoj! Parttempaj partoprenantoj do estu pretaj loĝi en la amasloĝejo kaj provizore kunportu dormosakojn kaj aermatracojn!
Vi povas certi pri lito nur se vi frue aliĝas kaj ricevas konfirmilon de ni.
Via aliĝo estas transdonebla al alia persono, se vi skribe anoncas tion. Ni alĝustigas la kotizon, kiu ne povas malplialtiĝi.
Por ĉiu aliĝanto necesas aparta aliĝilo, do grupaj aŭ listigitaj aliĝoj ne estos akceptataj.
Petoj je invitleteroj devas esti alvenintaj ĉe ni ĝis plejmalfrue la 1an de decembro 2000!

Kiel aliĝi

La aliĝo de A- kaj B-landanoj ekvalidas nur post alveno de antaŭpago per kontoĝiro aŭ monbiletoj en germana valuto DEM (sendo je via propra risko!). La antaŭpagsumo estas por
- A-Landanoj: 30 EUR
- B-Landanoj: 10 EUR
La aliĝo de C-landanoj ekvalidas post la alveno de la aliĝilo.

Se vi havas monon en konto ĉe UEA, vi povas pagi en nian konton GEJU-H. Se por pagi en tiun konton vi devus unue fari internacian pagon al UEA, prefere uzu nian konton ĉe poŝtĝiroficejo en Dortmund!

Grave: NEPRE havigu al ni pruvilon pri via pagdato kaj -sumo!

Konto-ligoj

Ĉiam kun la indiko: "IS 2000/2001" + via nomo(!!!)

(por germanoj preferinde)

Deutsche Esperanto-Jugend e.V.
Bank für Sozialwirtschaft Hannover
kto. 84 24 900
bankokodo 251 205 10
(eksterlandanoj prefere pagu al)

Deutsche Esperanto-Jugend e.V.
Postgiroamt Dortmund
kto. 1352 42 467
bankokodo 440 100 46
(por eksterlandanoj ankaŭ eblas)

al la konto de GEJ ĉe UEA
kodo: "GEJU-H"
nepre ne uzu post la 1a de oktobro!

Adresoj

Aliĝilon al	Norbert Piechotta, Rondellstr. 3, DE-85540 Haar tel./fakso: +49 / 89 / 68 83 779 rete: is.admin (ĉe) esperanto.de
Tema programo:	Sarah Nawroth, Sölder Str. 8, DE-59439 Holzwickede tel. +49 / 23 01 / 62 00 rete: is.tema (ĉe) esperanto.de
Distra programo:	Brigitte van Raden, Valentinastr. 8, DE-54516 Wittlich tel. +49 / 65 71 / 21 92 rete: is.distra (ĉe) esperanto.de
Vespera programo:	David-Emil Wickström, Brueder Str. 14, DE-10178 Berlin tel.: +49 / 30 / 20 45 42 94 rete: is.vespera (ĉe) esperanto.de
Asocia adreso:	Deutsche Esperanto-Jugend e.V., Grellstr. 36, DE-10409 Berlin tel./fakso: +49 / 30 / 428 57 899 portebla tel.: +49 / 177 / 28 34 320 rete: bero (ĉe) esperanto.de

Kompilita de Gunnar R. Fischer (retpoŝte: Gunnar.Fischer (ĉe) esperanto.de, URL: http://stud.upb.de/~e48220/index-s.htm)