IS 1999/2000

43a Internacia Seminario

27.12.1999 - 3.1.2000 en Wetzlar

• Saluton
• Kotiztabelo
• Kondicxoj
• Aligxilo (formularo)
• Konto-ligoj
• Adresoj
• Novajxoj
• La gastiganta urbo
• La IS-ejo
• 2a informilo
• Reen al la IS-bazpagxo

Saluton!

La delonge atendita jaro 2000 estas finfine alvenanta kaj okaze de tio Germana Esperanto-Junularo ofertas al vi la eblon festi la gravan jarsxangxigxon dum unu tuta semajno! Krom la konataj kvalitoj de la IS kiel ricxa taga, vespera kaj nokta programoj kun koncertoj, teatro, filmoj, dancado, ekskursoj (antauxvideble al Frankfurt/Main) kaj kompreneble la fama silvestra vespero kun abunda kaj bongusta bufedo kaj balo ni antauxvidas ankaux aliajn amuzajn kaj interesajn programerojn - surprizigxu!

Por tiu cxi grava okazo ni elektis ejon, kiun IS-partoprenintoj certe unuanime nomos unu el la plej bonaj IS-ejoj iam ajn! Temas pri la junulargastejo de la cxarma mezgermania urbeto Wetzlar kiu gastigis la IS-jn 1984/85 kaj 1995/96. Gxi situas sur monteto kun belega superrigardo tra la urbo. La plej proksimaj najbaroj estas tiom for, ke la tipa IS-etoso gxenos neniun. La junulargastejo estas tre moderna kaj bone ekipita (la plej alta kvalito-kategorio por germanaj junulargastejoj!). Krome gxiaj kunlaborantoj estas same tiom festemaj kiel la IS-partoprenantoj, do perfekta harmonio estas antauxvidebla! (Cetere, por partoprenantoj de la IS 95/96: cxu vi memoras Hubi? Li dauxre estas tie!!!)

(Legu pliajn informojn pri Wetzlar cxi tie.)

Ankaux nia seminaria temo okupigxas pri la finigxo de la jarmilo: tiukadre ni volas rigardi kion ni lasas malantaux ni, cxefe el la historia vidpunkto kaj por tiu tempo kiu plej influas nian cxiutagan vivon, do la nun preskaux pasintan jarcenton, kiu estis certe okazintajxplena kaj pozitive kaj negative. Kion gravas memori, kion endas lerni el niaj lokaj, regionaj, naciaj kaj la internacia historio?

Kotiztabelo

Cxiuj prezoj estas en germanaj markoj DEM. Ni havas 3 landajn kategoriojn (vidu sube)

Rabato por B-landanoj: 50 gm. / Rabato por C-landanoj: 80 gm.

Rabato por memzorgantaj B-landanoj: 70 gm. / Rabato por memzorgantaj C-landanoj: 100 gm.

Kategorio A:

Auxstrio, Belgio, Britio, Danlando, Finnlando, Francio, Germanio, Irlando, Italio, Lihxtensxtejno, Luksemburgio, Monako, Nederlando, Norvegio, San Marino, Svedio, Svislando, Vatikano

Kategorio B:

Andoro, Cxehxio, Grekio, Hispanio, Hungario, Kroatio, Malto, Pollando, Portugalio, Slovakio, Slovenio

Kategorio C:

cxiuj ceteraj landoj

Krompagoj

• 60 DEM: Germanoj kiuj ne estas ordinaraj membroj de GEJ / GEA
• 30 DEM: por logxado en 2-lita-cxambro
• 5 DEM: por invitletero (nepre petu antaux 01.12.99!)

Partoprenkondicxoj

• La plena kotizo inkluzivas la logxadon kaj mangxadon en la junulargastejo, la programon kaj la silvestran bufedon.
• La kotizo por memzorgantoj inkluzivas la logxadon en amaslogxejo, se ekzistas tia, la programon kaj la silvestran bufedon.

  Atentigoj

• Eblas partatempa partopreno: la kotizo estas la plej alta kotizo en via agxkategorio, dividita per sep, multobligita per la nombro de partoprentagoj. Rimarku ke parttempa partopreno en la junulargastejo eblas nur se ne cxiuj litoj jam estas rizervitaj por plentempaj partoprenantoj! Parttempaj partoprenantoj do estu pretaj logxi en la amaslogxejo kaj provizore kunportu dormosakojn kaj aermatracojn!
• Vi povas certi pri lito nur se vi frue aligxas kaj ricevas konfirmilon de ni.
• Via aligxo estas transdonebla al alia persono, se vi skribe anoncas tion. Ni algxustigas la kotizon, kiu ne povas malplialtigxi.
• Por cxiu aligxanto necesas aparta aligxilo, do grupa aux listigita aligxo ne estos akceptata.
• Petoj je invitleteroj devas esti alvenintaj cxe ni gxis plejmalfrue la 1an de decembro 1999!

  Kiel aligxi

• La aligxo de A- kaj B-landanoj ekvalidas nur post alveno de antauxpago per kontogxiro aux monbiletoj en germana valuto (sendo je via propra risko!). La antauxpagsumo estas por
  • A-Landanoj: 50 DEM
  • B-Landanoj: 20 DEM
• La aligxo de C-landanoj ekvalidas post la alveno de la aligxilo.

  Se vi havas monon en konto cxe UEA, vi povas pagi en nian konton GEJU-H. Se por pagi en tiun konton vi devus unue fari internacian pagon al UEA, prefere uzu nian konton cxe posxtgxiroficejo en Dortmund!

Grave: NEPRE havigu al ni pruvilon pri via pagdato kaj -sumo!

Konto-ligoj

Cxiam kun la indiko: "IS 1999/2000" + via nomo(!!!)

• (por germanoj preferinde)
  

  Deutsche Esperanto-Jugend e.V.
  Bank für Sozialwirtschaft Hannover
  kto. 84 24 9-00
  bankokodo 251 205 10

• (eksterlandanoj prefere pagu al)
  

  Deutsche Esperanto-Jugend e.V.
  Postgiroamt Dortmund
  kto. 1352 42-467
  bankokodo 440 100 46

• (por eksterlandanoj ankaux eblas)

  al la konto de GEJ cxe UEA
  kodo: "GEJU-H"
  nepre: ne uzu post la 1a de oktobro!

Adresoj

Kompilita de Steffen Pietsch