|
La ratoj revenas al Hameln
Rat-festivalo Hameln, majo ĝis oktobro 2004
La ratoj revenas al la urbo de la ratkaptisto: al Hameln. Je
la 2-a de majo 2004 komencis rat-festivalo en Hameln. La ratoj
revenis de la rivero Weser kaj iris peraŭte
al la malnova urbocentro, kie ili restos ĝis
meze de oktobro. Intertempe pli ol 70 artistoj formis kaj kolorigis
grandajn ratskulpturojn, kiuj de majo ĝis
oktobro 2004 estos videblaj en la stratoj de la malnova centro de la urbo Hameln, kiu funkcias dum tiu-ĉi tempo
kiel liberaera galerio. Se iu interesito ŝatas
veni dum tiu tempo al Hameln kaj volas viziti la festivalon, li aŭ
ŝi povus uzi la Pasportan Servon. La
lokaj gastigantoj provos helpi ilin.
La ideo
La entuziasmo dum la rigardo de fascine formitaj bovinoj en Calgary en
la jaro 2000 donis al la Hameln-a kuracisto d-ro Franz-Josef Vonnahme
la ideon, organizi similan projekton, ĉe kiu mondvaste nur ekzistas unu
urbo, en kiu la rato plej taŭgas esti la modelo - estas Hameln.
En la sekva tempo pluraj artŝatantaj Hameln-aj enloĝantoj, kiuj
entuziasmiĝis pri la ideo, fondis la asocion "Ratten-Festival-Hameln
e.V." (Rat-festivalo-Hameln r.a.). La asocio organizas la
rat-festivalon de majo ĝis oktobro 2004 kiel publika ekspozicio, en kiu la
urbo Hameln funkcias kiel subĉiela galerio. Elektitaj artistoj
formas kaj kolorigas krudajn prilaborotajn ratojn (170 kaj 130 centimetrojn
altaj), kiujn skizis la Hameln-anino Irina Teichert kaj produktis
la firmao Wolter-Design en Loccum.
La koncepto
La bazan ideon al kampanjo kun formataj bestoj artistoj en Zuriko jam havis
en 1998. La tie ekspoziciitaj 800! bovinoj montriĝis kiel turista magneto
kun adekvataj ekonomiaj efikoj. Ne mirinde, ke la fajrero transsaltis la oceanon
kaj trovis imitantojn en Chicago, Novjorko kaj pliaj nordamerikaj urboj.
Intertempe ankaŭ en Germanio sekvis projektoj kun bovinoj, ĉevaloj,
porkoj, fiŝoj kaj birdoj, ĉe kiuj venis krom la ideaj artaj aspektoj
ankaŭ la dezirata efiko de plimultigo de turista torento. Ne nur vidante la
originan artan pretendon "strat-art-eventoj" montriĝis kiel
utilaj fondus-plialtigiloj, kiuj en aŭkcioj kun formitaj bestoj donis
monrimedojn por karitataj kaj socialaj celoj. Tiamaniere la de "Tiffany's"
donita bovino en Novjorko trovis novan posedanton kontraŭ 60.000 dolaroj.
Devie de la ĝisnunaj celligoj de la aŭkciaj enspezoj de kompareblaj
projektoj la "Ratten-Festival-Hameln e.V." (Rat-festivalo-Hameln
r.a.) intencas realigi la ideon "ARTO POR ARTO", nome uzi la enspezojn
por instalo de monumenta skulpturo "Rato
sur la rivero Weser". Apud la tradicia ratkaptisto ĝi
estu moderna simbolo de la urbo Hameln.
 La
tempoplano:
| 2-a de majo 2004 |
La reveno de la ratoj |
| ek de la 10-a horo |
alveturado de la ratoj sur la herbejojn apud la rivero Weser
(ĉe la Thiewall-ponto vidalvide al la hospitalo) |
| ek de la 13-a horo |
komenco de la aŭtoprocesio en la urbon (Uferstraße,
Breslauer Allee, Klütstraße, Thiewallbrücke, Kastanienwall,
Ostertorwall, Münsterkirchhof, Bäckerstraße, Pferdemarkt) |
| ĝis ĉirkaŭ la 15-a horo |
starigo de la ratoj sur la Pferdemarkt (en la
centro) akompanata kun la muziko de la Streetdrumers el
Hanovro |
| 15-a horo |
inaŭguro de la rat-festivalo far d-ro Franz-Josef
Vonnahme, prezidanto de Ratten-Festival-Hameln e.V.
salutvortoj de Klaus Arnecke, ĉefurbestro de la urbo Hameln;
de Klaus Arnold, aferdirektanto de la Stadtwerke Hameln; de
Astrid Frei, artistino el Hameln |
| ĉirka ŭ 15-a horo kaj 20 |
ratgalerio en la centro sur la Pferdemarkt |
| ek de la 6-a de majo |
la ratoj ekokupos siajn daŭrajn lokojn en la Bäcker-
kaj Osterstraße |
| 10-a de oktobro |
festa aŭkcio - la ratoj trovos siajn amantojn |
 (tradukita el la retpaĝoj de "Ratten-Festival-Hameln e.V.")
Pli da informoj kaj bildoj vi trovas germanlingve sur la retpaĝoj de
la "Ratten-Festival-Hameln e.V.": http://www.rattenfestival.de
Anzahl der Besucher - nombro de vizitantoj:
Ĉ ĉ Ĝ ĝ Ĥ ĥ Ĵ ĵ Ŝ ŝ Ŭ ŭ |
La ratoj revenas al Hameln
Esperanto-grupo Hameln "La Ratkaptista Bando"
)
