Dissendolisto

Vi ne volas maltrafi koncertojn, renkontiĝojn kaj aliajn aranĝojn en Esperanto en Duisburg kaj ĉirkaŭaĵo? Do aliĝu al nia dissendolisto ĉe Yahoogroups. Ni certigas, ke estas tute senpage kaj tute sendanĝere.

Jen kiel fari:

Sendu malplenan retmesaĝon al la adreso
```
esperantoduisburg-subscribe@yahoogroups.de
```
Certigu ke la mesaĝo indikas kiel sendinton tiun retpoŝtadreson, al kiu vi volas poste ricevi la mesaĝojn de la listo.
Post kelkaj minutoj vi ricevos aŭtomatan retmesaĝon en la germana, kiu petos vin konfirmi la aliĝon - tio malhelpas ke iu aligas vin sen via konsento. Konfirmu simple per la respond-butono de via retpoŝtprogramo. Vi ne bezonas skribi ion en la respondo.
Denove post kelkaj minutoj vi ricevos aŭtomatan bonvenmesaĝon de la listo. Ekde tiu momento, vi ricevos la sciigojn de la listo.
Vi povas mem sendi mesaĝon al ĉiuj listanoj per la adreso
```
esperantoduisburg@yahoogroups.de
```
Momente la listo estas agordita tiel, ke mesaĝoj estas dissendataj nur post aprobo de la listestro. Tio okazas por protekti vin kontraŭ virusoj kaj ekstertemaj mesaĝoj. Skribu nur pri tio, kio rekte koncernas la temon Esperanto en Duisburg kaj ĉirkaŭaĵo. Por aliaj temoj ekzistas aliaj dissendolistoj.
Se vi ial deziras malaliĝi, sufiĉas sendi malplenan mesaĝon al la adreso
```
esperantoduisburg-unsubscribe@yahoogroups.de
```

auf Deutsch