Lingva Laborbrigado (LiLa)

Lingva laborbrigado estis projekto en 2005. Nuntempe ne estas iuj tiurilataj aktivaĵoj, kaj ankaŭ ne eblas aliĝi. La sekva teksto estas nur informcele, uzebla se vi mem volas plani ion similan.

Ĉu vi jam parolas Esperanton kaj:

rimarkis ke vi ankoraŭ faras erarojn,
ne certas pri gramatikaj demandoj,
emas instrui Esperanton, sed ankoraŭ ne fidas vian lingvan nivelon?

Krome, ĉu vi subtenas la ideon de Esperanto kaj ŝatas renkonti aliajn esperantoparolantojn, vigligi la Esperanto-kulturon?

...tiam la Lingva Laborbrigado en Berlino (LiLa) estas por vi.

Kio estas LiLa?

Temas pri kvartaga laborbrigado en la Esperanto-domo en Berlino. La partoprenantoj kaj partoprenos ĉiutagajn lingvokursojn kaj antaŭ aŭ post la kursoj helpos renovigi kaj konstrui parton de la Esperanto-kulturdomo. Krome la laborbrigado komune preparos sian manĝadon.

Dum la vesperoj la partoprenantoj havos liberan tempon por pripensi kaj (espereble) organizi kulturajn aktivaĵojn rilate al Esperanto aŭ uzante Esperanton. (Atentu! Ni ne ekskursos en Berlino.)

La unua LiLa okazos de ĵaŭdo la 20a de Oktobro ĝis dimanĉo la 23a je la 15a horo.

Detaloj pri la unua LiLa

Kursestroj:: Gerd Bussing, Holger Tautorat.
Labortaskoj:: Pavimado en la korto; programo dum pluvo: renovigado de la granda salono en la korta domo.
Kostoj:: 20 eŭroj (inkluzive de manĝado, tranoktado, instruado kaj materialo)
Repago de vojaĝkostoj:: 60 eŭroj, sed maksimume 50 % de la normala prezo de DB.
Kunportu:: dormsakon, laborvestaĵojn, muzikilojn, literaturon ktp por la vesperoj.
Necesaj kondiĉoj de partopreno:: vi devas esti membro de GEJ, scipovi paroli Esperanton kaj partoprenos la tutan tempon.
Organizanto: estas la Esperanto-Junularo Brandenburgio-Berlino (kiu ankaŭ subvencias la vojaĝkostsubvenciojn).

Por partopreni bonvolu plenigi la suban aliĝilon kaj resendu ĝin (aŭ sendu la informojn al LiLa@esperanto.de) antaŭ la 25a de septembro. Pro limigitaj lokoj, ni elektos la partoprenantojn laŭ la respondoj en la aliĝiloj kaj informos vin antaŭ la 2a de oktobro.