Ni rememorigas vin pri la jarĉefkunvenoj de Esperanto-Ligo Berlin (ELB) kaj Esperanto-Asocio Berlin-Brandenburgio (EABB), kiuj okazos dimanĉon, la 5an de Februaro, en Regenbogenhaus, Kadiner Str. 9, Berlin-Friedrichshain (proksime al la metrostacio Frankfurter Tor). Uzu la eblecon informiĝi, diskuti, decidi kaj agadi en niaj organizoj!
 

Ronald Schindler, prez. de EABB
Fritz Wollenberg, prez. de ELB

Bonvolu informi nin antaŭe, ĉu vi deziras tagmezan manĝeton kaj kafon kun kuko por 2,50 eŭroj:

tel. (030) 5626303
faks.(030) 55157017
peter.kuehnel@esperanto.de

La jarĉefkunveno de Esperanto-grupo Lietzensee okazos vendredon, la 10an de Februaro, je la 13a horo en restoracio Neue Kantstr. (apud la apoteko). Okazos raportoj, diskutoj kaj tagmanĝo. La grupmembroj kunportu sian jarkotizon (10 eŭroj).

Hans Moser

Esperanto-Junularo Berlino denove planas semajnfinan kurson por komencantoj. Ĝi okazos sabaton, la 11an de Februaro, de la 10a ĝis la 18a horo, kaj dimanĉon, la 12an de Februaro, de la 12a ĝis la 17a horo, en la oficejo en Salzwedeler Str. 4 (inter la metrostacioj Birkenstraße kaj Westhafen). Ĉefinstruisto estos Luisa Rund. La kotizo de 10 eŭroj (20 eŭroj por homoj pli aĝaj ol 27 jarojn) estos pagenda surloke kaj inkluzivos lernilojn kaj manĝaĵojn.
Aliĝo eblas telefone, fakse, retpoŝte aŭ interrete:

tel. + faks. 030 42857899
ej.berlin@esperanto.de
www.esperantoland.de/bse

Pri renesanco de bicikla trafiko en Berlino laŭ la nuna politiko de la Senato informos lundon, la 13an de Februaro, dipl. inĝ. Peter Kühnel.
Li laboras en la stratkonstrua fako de la distrikta administracio de Neukölln. La prelego okazos ekde la 19:30 en Kafejo Multi-Kulti, Schönfließer Str. 7 (inter la stacioj Schönhauser Allee kaj Bornholmer Str.).

Fritz Wollenberg

Mi kore invitas vin al ekskurso ĉirkaŭ la Schlossplatz (palaca placo) dimanĉon, la 19an de Februaro. Ĝi temos interalie pri

 

 

• Neptunfontano
• Schlossplatz kaj Novembra Revolucio
• Andreas Schlüter kaj lia koncepto pri la areo de la palaco
• ka historio de la Lange Brücke (Longa Ponto/Rathausbrücke)
• la mezepoka kastelo kaj la legendoj pri la Burgstraße
• la Berlina kastelo
• la imperiestra palaco kaj/aŭ la respublika palaco
• promeno tra la palaco kun la okuloj de la rusa Esperanto-verkisto Varankin (20aj jaroj, "Metropoliteno")
• Lustgarten - loko de memorigo, de kulturo kaj de ripozo
• Ni renkontiĝu je la 14a horo ĉe la Neptun-fontano ĉe la Berlina Urbodomo (proksime de stacio Alexanderplatz).

Fritz Wollenberg

 

 

La Esperanta babilrondo daŭre okazas ĉiumonate la lastan vendredon je la 20a horo en iu restoracio. La venontan fojon oni renkontiĝos vendredon, la 24an de Februaro, en vietnama restoracio, Georgenstraße 25 (apud stacio Friedrichstraße).
Pro rezervo de tablo partoprenemuloj bonvolu kontakti min ĝis la 21a de Februaro.

Philippe Beaudonnet
esperanto_plenbushe[at]maxnet.in-berlin.de
http://me.in-berlin.de/~maxnet/esperanto/invito3.htm

Estu bonvenaj al prezentado de la franca Esperanto-verkisto Raymond Schwartz kaj al voĉlegado el liaj verkoj. Ĝi okazos lundon, la 27an de Februaro, je la 19:30 en Kafejo Multi-Kulti, Schönfließer Str. 7.

Fritz Wollenberg

Nome de la estraro mi kore invitas ĉiujn membrojn al la ĉefkunveno de Esperanto-Junularo Berlin la 3an de Marto ekde la 19a horo en nia provizora oficejo (Salzwedeler Str. 4, Moabit, inter la metrostacioj Birkenstr. kaj Westhafen). Jen la tagordo:

• raporto de la estraro
• baloto pri nova estraro
• baloto pri kasrevizoroj
• planado de la agado
• diversaĵoj

Paul Ebermann, prezidanto

Nome de la estraro mi kore invitas ĉiujn membrojn al la ĉefkunveno de Esperanto-Junularo Brandenburgio-Berlino la 3an de Marto ekde la 20a horo en nia provizora oficejo (Salzwedeler Str. 4, Berlin-Moabit). Jen la provizora tagordo:

• malfermo, kontrolo de voĉdonrajto kaj decidkapablo
• baloto pri kunvenestro kaj protokolanto
• decido pri tagordo
• konfirmo de la lasta protokolo
• raporto de la estraro
• raporto pri la kaso
• diskuto pri la raportoj
• baloto pri nova estraro
• baloto pri revizora komisiono
• planado de agado kaj financoj
• diversaĵoj
• La kunsido estos publika.

Robert Weemeyer, estrarano

Unuafoje en la historio de PEN Internacia la mondkongreso okazos en Berlino, fine de majo 2006. Giorgio Silfer (plumnomo de Valerio Ari), vicprezidanto de la Esperanta PEN, reprezentos la esperanto-literaturon kiel oficiala delegito.
Dum la kongresa semajno LF-koop planas prezenti la verkon Sur la marmorklifoj de Ernst Jünger, tradukitan de Bertil Nilsson.
Laŭ Heroldo komunikas
Mikaelo Bronŝtejn koncertis
 
Ĉirkaŭ 30 esperantistojn diversaĝajn kunvenigis la koncerto de la rusia verkisto kaj bardo Mikaelo Bronŝtejn la 16an de Januaro. Li ne nur kantis kaj prezentis poemojn, sed ankaŭ parolis pri sia esperantista vivo kaj pri la evoluo de Esperanto en Sovetunio kaj Rusio. Post la koncerto eblis interparoli kaj favorpreze aĉeti liajn librojn kaj diskojn.

Robert Weemeyer

La 20an de Januaro Irina Gerasimova el Ukrainio prezentis al la Berlinaj Studentoj-Esperantistoj sian hejmregionon, la duoninsulon Krimeo. Ŝi kunportis bildojn de la belega pejzaĝo (maro, klifoj, blublua ĉielo), prospektojn, afiŝojn - kaj reprezentanton de la ukraina ambasado. Ĉeestis ĉirkau 12 junaj esperantistoj. Koran dankon, Irina!

Luisa Rund

Martin Sawitzki, estrarano de Germana Esperanto-Junularo loĝanta en Stahnsdorf-Schenkenhorst, fariĝos 25-jara la 25an de Februaro.

La redaktantoj